കാലിഫോർണിയ: മന്ത്രയുടെ കാലിഫോർണിയ വൈസ് പ്രസിഡന്‍റ് (സതേണ്‍ റീജണ്‍) ആയി രാജ് സുകുമാരനെ തെരഞ്ഞെടുത്തു. മന്ത്രയുടെ പ്രഖ്യാപിത ലക്ഷ്യങ്ങളിൽ ഒന്നായ നേതൃനിരയിലെ ശക്തമായ വനിതാ യുവ സാന്നിധ്യം സഫലമാകുന്നതിന്‍റെ സൂചനകൾ ഇതിനോടകം തന്നെ ലഭിക്കുന്നതിൽ സന്തോഷമുണ്ടെന്ന് പ്രസിഡന്‍റ് ഹരി ശിവരാമൻ അറിയിച്ചു.
സാൻ ഡീഗോയിലെയും, സതേണ്‍ കാലിഫോർണിയയിലേയും വിവിധ ഹിന്ദു സംഘടനകളിലെ സജീവ പ്രവർത്തകനായ രാജ്, മന്ത്രയുടെ കാലിഫോർണിയ റീജിയന്‍റെ പ്രവർത്തനങ്ങൾക്കു ശക്തി പകരുമെന്ന് പ്രസിഡന്‍റ് അദ്ദേഹം പ്രത്യാശ പ്രകടിപ്പിച്ചു.
സാൻ ഡീഗോയിലെ മലയാളി സമൂഹത്തിനു പരിചിത മുഖമായ രാജ്, സേവ് ശബരിമല യുഎസ്എ ഫോറത്തിന്‍റെ സജീവ പ്രവർത്തകനായിരുന്നു. കോട്ടയം ജില്ലയിലെ തിരുവഞ്ചൂർ സ്വദേശിയായ അദ്ദേഹം, ഹിന്ദു സമൂഹത്തിന്‍റെ ഉന്നമനത്തിനു വേണ്ടി വിവിധ കർമ്മ മണ്ഡലങ്ങളിൽ പ്രവർത്തിക്കുകയും, 2005 ൽ യു എസ്എയിലേക്ക് ജോലിസംബന്ധമായി താമസം മാറുകയുമായിരുന്നു. ആരോഗ്യമേഖലയിലെ ഉദ്യോഗസ്ഥനായ രാജ,് ഭാര്യ രാഖി, മക്കൾ ഋഷി, പ്രണവ് എന്നിവരോടൊപ്പം സാൻഡീഗോയിൽ താമസിക്കുന്നു.
