പാരീസ്: ഫ്രഞ്ച് ലീഗ് വണ്‍ മത്സരത്തിൽ പരിക്കേറ്റ പിഎസ്ജിയുടെ കൈലിയൻ എംബാപ്പെയ്ക്കു ചാമ്പ്യൻസ് ലീഗ് മത്സരം നഷ്ടമാകും. ബയേൺ മ്യൂണിക്കിനെതിരായ പ്രീക്വാർട്ടർ ആദ്യപാദത്തിൽ എംബാപ്പെ പുറത്തിരിക്കും.
പിഎസ്ജി 3-1ന് ജയിച്ച മോപൊലിയെക്കെതിരായ മത്സരത്തിലാണ് ഫ്രഞ്ച് താരത്തിന് പരിക്കേറ്റത്. തുടയിലേറ്റ പരിക്കിനെ തുടർന്ന് താരത്തിന് മൂന്ന് ആഴ്ചത്തെ വിശ്രമമാണ് ഡോക്ടർമാർ നിർദേശിച്ചിരിക്കുന്നത്.
മത്സരത്തിൽ പരിക്കേറ്റ് മടങ്ങുന്നതിനു മുൻപ് രണ്ട് പെനാൽറ്റികളും ഒരു ഓപ്പൺ ഗോൾ അവസരവും എംബാപ്പെ നഷ്ടപ്പെടുത്തിയിരുന്നു. ഈ മാസം 14 ന് ആണ് ബയേണുമായുള്ള പിഎസ്ജിയുടെ ചാമ്പ്യൻസ് ലീഗ് പോരാട്ടം. രണ്ടാം പാദം മാർച്ച് എട്ടിന് ബയേണിന്‍റെ തട്ടകത്തിൽ നടക്കും.
