ഏറെക്കാലത്തിന് ശേഷം താരദമ്പതികളായ ബാബുരാജും വാണി വിശ്വനാഥും ഒന്നിച്ചഭിനയിക്കുന്നു . ദ ക്രിമിനല്‍ ലോയര്‍ എന്ന ചിത്രത്തിലൂടെയാണ് ഇവരുടെ സമാഗമം ചിത്രീകരണം നവംബറില്‍ തിരുവനന്തപുരത്ത് തുടങ്ങും.
ഇരുവരും തുല്യ പ്രാധാന്യമുള്ള വേഷങ്ങളില്‍ പ്രത്യക്ഷപ്പെടുന്നതും ഇതാദ്യം.
ബാബുരാജ് നിര്‍മ്മാണ പങ്കാളിയായ ദി ഗ്യാംഗ് ഉള്‍പ്പടെ ഒട്ടേറെ ചിത്രങ്ങളില്‍ ഇരുവരും ഒന്നിച്ചഭിനയിച്ചിട്ടുണ്ട്. ബാബുരാജ് സംവിധാനം ചെയ്ത ബ്ളാക്ക് ഡാലിയയില്‍ പ്രധാന വേഷമവതരിപ്പിച്ചതും വാണി വിശ്വനാഥാണ്.
പ്രണയത്തിലായ ഇരുവരും 2002 ല്‍ ആണ് വിവാഹിതരായത്. രണ്ട് മക്കള്‍. ആര്‍ച്ചയും ആദ്രിയും. കല വിപ്ളവം പ്രണയം എന്ന ചിത്രത്തിന് ശേഷം ജിതിന്‍ ജിത്തു സംവിധാനം ചെയ്യുന്ന ദ ക്രിമിനല്‍ ലോയറിന്റെ ടൈറ്റില്‍ അനൗണ്‍സ്‌മെന്റ് കഴിഞ്ഞ ദിവസം തിരുവനന്തപുരത്തെ ഹോട്ടല്‍ റസിഡന്‍സി ടവറില്‍ വച്ചാണ് നടന്നത്.
ജഗദീഷ്, സുധീര്‍ കരമന, അബു സലിം, ഷമ്മി തിലകന്‍, സുരേഷ് കൃഷ്ണ, ജോജി, റിയ സൈറ, സിന്ധു, മനുവര്‍മ്മ തുടങ്ങിയവരാണ് ചിത്രത്തിലെ മറ്റ് പ്രധാന വേഷങ്ങള്‍ അവതരിപ്പിക്കുന്നത്. ഉമേഷ് എസ്. മോഹന്‍ നിര്‍മ്മിക്കുന്ന ചിത്രത്തിന്റെ ഛായാഗ്രഹണം ഷിനോയ് ഗോപിനാഥ് നിര്‍വഹിക്കുന്നു. സംഗീതം വിഷ്ണു മോഹന്‍ സിതാര. പ്രോജക്‌ട് ഡിസൈനര്‍ - സച്ചിന്‍. കെ. ഐബക്ക്, പ്രൊഡക്ഷന്‍ കണ്‍ട്രോളര്‍ - വിനോദ്. പി.ആര്‍.ഒ- ഷെജിന്‍.
