Author: George Kakkanatt

പരിശുദ്ധ അമ്മയുടെ അമലോത്ഭവ തിരുനാളിനോടനുബന്ധിച്ച് നിക്കരാഗ്വയിൽ നടന്ന തീർഥാടനത്തിൽ പങ്കെടുത്ത വിശ്വാസികളെ അഭിസംബോധന ചെയ്തുകൊണ്ട് ഫ്രാൻസിസ് പാപ്പ സന്ദേശമയച്ചു. ‘ദൈവത്തോടുള്ള അസാധാരണമായ സ്‌നേഹത്താൽ എപ്പോഴും വേറിട്ടുനിൽക്കുന്ന നിക്കരാഗ്വൻ ജനത’ എന്ന അഭിസംബോധനയോടെ പരിശുദ്ധ അമ്മയുടെ അമലോത്ഭവ തിരുനാളിനോടനുബന്ധിച്ചു നടന്ന തീർഥാടനത്തിൽ സംബന്ധിച്ച വിശ്വാസികൾക്കാണ് പാപ്പ ശ്ലൈഹീകാശീർവാദം നൽകി ഇടയലേഖനം അയച്ചത്. വിശ്വാസികൾക്ക് തന്റെ ആത്മീയസാമീപ്യം പാപ്പ പ്രത്യേകം അറിയിച്ചു. നമ്മെ അനുഗമിക്കുന്നതും ഏക ഉറപ്പുള്ള വഴികാട്ടിയുമായ കർത്താവിന്റെ സ്നേഹനിർഭരമായ കരുതലിനെ മറക്കരുതെന്ന് ഉദ്‌ബോധിപ്പിച്ച പാപ്പ, പ്രയാസകരമായ നിമിഷങ്ങളിൽ കർത്താവിനെ സംശയത്തോടെ വീക്ഷിക്കരുതെന്നും വിശ്വാസവും പ്രത്യാശയും അദ്ഭുതങ്ങൾ പ്രവർത്തിക്കുന്ന പുണ്യങ്ങളാണെന്നും അടിവരയിട്ടു പറഞ്ഞു. ഈ വിശ്വാസത്തിന്റെ സാക്ഷ്യമായ പരിശുദ്ധ കന്യകാമറിയത്തിന്റെ മാതൃപിന്തുണ നിക്കരാഗ്വൻ ജനത എപ്പോഴും അനുഭവിച്ചിട്ടുണ്ടെന്നും അതിന് വിശ്വാസിസമൂഹം എപ്പോഴും നന്ദിയുള്ളവരായിരുന്നുവെന്ന കാര്യവും പാപ്പ തന്റെ ഇടയലേഖനത്തിൽ പ്രത്യേകം അനുസ്മരിച്ചു. 2025 ലെ ജൂബിലിയുടെ ഉദ്ഘാടനത്തിനായി നമ്മെ ഒരുക്കുന്ന അമലോത്ഭവത്തിരുനാൾ, ബുദ്ധിമുട്ടുകളിലും അനിശ്ചിതത്വങ്ങളിലും ഇല്ലായ്മകളിലും ആവശ്യമായ സഹായങ്ങൾ പ്രദാനം ചെയ്യുമെന്നും അതിനാൽ യേശുവിന്റെ കരങ്ങളിലേക്ക് നമ്മെത്തന്നെ സ്വയം സമർപ്പിക്കാനും പാപ്പ ആഹ്വാനം ചെയ്തു. മറിയത്തോടുള്ള ആർദ്രമായ ഭക്തിയുടെ പിന്തുണയോടെ, ഒരുമിച്ചുനടക്കുന്നത് സുവിശേഷത്തിന്റെ പാതയിൽ ഉറച്ചുനിൽക്കുന്നതിനും വിശ്വാസം പുതുക്കാനും നമ്മെ സഹായിക്കുമെന്നും പാപ്പ പറഞ്ഞു. ജപമാല പ്രാർഥനകളിൽ നമ്മുടെ ജീവിതത്തെയും ഉൾപ്പെടുത്തിക്കൊണ്ട് കൃപയുടെ നിറവ് ജീവിതത്തിൽ അനുഭവിക്കുന്നതിനും വിശ്വാസികളെ പാപ്പ പ്രത്യേകം ക്ഷണിച്ചു. ജൂബിലി വർഷത്തിനായി തയ്യാറാക്കിയ പ്രത്യേക പ്രാർഥനയും പാപ്പ തന്റെ സന്ദേശത്തിൽ ഉപസംഹാരമായി...

നവംബർ 23 ന്, മൗണ്ട് ലെബനനിലെ കെസർവൻ ജില്ലയിൽ സ്ഥിതിചെയ്യുന്ന ഫരായ ഗ്രാമത്തിൽ അലങ്കരിച്ചുവച്ചിരുന്ന ഈശോയുടെ ജനനരംഗങ്ങൾ നശിപ്പിച്ച്‌ അക്രമികൾ. കൂടാതെ, ഉണ്ണീശോയുടെ രൂപം നീക്കംചെയ്യുകയും ചെയ്തു. സംഘർഷം ശമിപ്പിക്കാൻ സുരക്ഷാസേന പ്രവർത്തിക്കുന്നതിനിടെ പ്രദേശവാസികൾ ടൗൺ സ്ക്വയറിൽ പള്ളിമണി മുഴക്കി പ്രതിഷേധിച്ചു. ലെബനനിലെ മാരോനേറ്റ് കത്തോലിക്കരുടെ ശക്തികേന്ദ്രമായാണ് കെസർവാൻ ജില്ല അറിയപ്പെടുന്നത്. ഹാരിസയിലെ ഔവർ ലേഡി ഓഫ് ലെബനൻ ദൈവാലയം, ബേക്കർകെയിലെ മരോനൈറ്റ് പാത്രിയാർക്കേറ്റിന്റെ ആസ്ഥാനം തുടങ്ങിയ പ്രധാന സ്ഥലങ്ങൾ ഇവിടെയുണ്ട്. നിലവിൽ യുദ്ധബാധിത പ്രദേശങ്ങളിൽനിന്ന് കുടിയൊഴിപ്പിക്കപ്പെട്ട ധാരാളം ആളുകൾക്ക് ആതിഥേയത്വം വഹിക്കുന്ന ഈ പ്രദേശത്ത് ആഗമനകാലത്ത് കുഴപ്പങ്ങൾ സൃഷ്ടിക്കാനുള്ള ശ്രമമായാണ് പലരും ഈ നീക്കത്തെ കാണുന്നത്. പ്രാദേശിക ഇടവക വികാരിയായ ഫാ. ചാർബെൽ സലാമേ, പ്രദേശവാസികളോടൊപ്പം ചേർന്ന് ഈ അക്രമസംഭവത്തെ അപലപിച്ചു; അതേസമയം സമൂഹത്തിന് സാന്ത്വനവും നൽകി. “ഞങ്ങളുടെ ഗ്രാമത്തെ സംരക്ഷിക്കാൻ ഞങ്ങൾ ജാഗ്രതയോടെ തുടരും. നമ്മുടെ ഐക്യം കാത്തുസൂക്ഷിക്കുന്നതിൽ ഞങ്ങൾ ഉറച്ചുനിൽക്കുന്നു. കാരണം, കർത്താവ് നമ്മെ ഒരുമിച്ചുകൂട്ടുന്നു. ഒരുപക്ഷേ, നമുക്കെല്ലാവർക്കും ഇവിടെ ഒത്തുകൂടാനും ഭിന്നതകൾ വിതയ്ക്കാൻ ശ്രമിക്കുന്നവർക്കായി ഈ പുൽത്തൊട്ടിക്കുമുന്നിൽ പ്രാർഥിക്കാനും ഇത് ഒരു അവസരമായിരിക്കാം” – ഫാ. ചാർബെൽ പറയുന്നു. കഴിഞ്ഞ വർഷം, ലെബനനിൽ, പ്രത്യേകിച്ച് സജീവ ക്രിസ്ത്യൻ ന്യൂനപക്ഷം താമസിക്കുന്ന ട്രിപ്പോളിയുടെ വടക്കൻ മേഖലയിൽ ക്രിസ്തുമസ് സമയത്ത് ആക്രമണങ്ങളുടെ ഒരു പരമ്പര തന്നെയായിരുന്നു...