സച്ചിന് പൈലറ്റിനെ ഉപമുഖ്യമന്ത്രി സ്ഥാനത്ത് നിന്നും കോണ്ഗ്രസ് സംസ്ഥാന അധ്യക്ഷ സ്ഥാനത്ത് നിന്നും പുറത്താക്കിയതിനെതിരെ പാര്ട്ടി വിട്ട് ബി.ജെ.പിയിലെത്തിയ ജ്യോതിരാദിത്യ സിന്ധ്യ. കഴിവുള്ളവര്ക്ക് പാര്ട്ടിയില് സ്ഥാനമുണ്ടാകില്ലെന്ന് സിന്ധ്യ പറഞ്ഞു.
‘ഇന്നത്തെ സാഹചര്യത്തില് കഴിവിനല്ല കോണ്ഗ്രസില് സ്ഥാനം. ഇത് എല്ലാ സംസ്ഥാനങ്ങളിലും നടക്കുന്നതാണ്’, സിന്ധ്യ പറഞ്ഞു.
അതേസമയം രാജസ്ഥാനില് സര്ക്കാരിനെ അട്ടിമറിക്കാന് ശ്രമിച്ച സച്ചിന് പൈലറ്റിനെ പുറത്താക്കിയതിന് പിന്നാലെ കടുത്ത നടപടിയുമായി കോണ്ഗ്രസ് രംഗത്തെത്തിയിട്ടുണ്ട്. യൂത്ത് കോണ്ഗ്രസിന്റെ സംസ്ഥാന അധ്യക്ഷ സ്ഥാനത്ത് നിന്ന് സച്ചിന്റെ വിശ്വസ്തനും എം.എല്.എയുമായ മുകേഷ് ഭാസ്കറിനെ കോണ്ഗ്രസ് നീക്കി.
എം.എല്.എയായ ഗണേഷ് ഘോഗ്രയ്ക്കാണ് പകരം ചുമതല.
നേരത്തെ ഉപമുഖ്യമന്ത്രി, രാജസ്ഥാന് കോണ്ഗ്രസ് അധ്യക്ഷന് എന്നീ പദവികളില്നിന്നും സച്ചിന് പൈലറ്റിനെ പുറത്താക്കിയിരുന്നു.പൈലറ്റിനൊപ്പം സര്ക്കാരില്നിന്നും വിട്ടുനിന്ന മന്ത്രിമാരെയും ഗെലോട്ട് അയോഗ്യരാക്കിയിട്ടുണ്ട്.