റിയാദ്: രോഗശാന്തിയുടെ ആശ്വാസം പകര്‍ന്ന് സൗദി അറേബ്യയില്‍ കോവിഡ് സ്ഥിതി വിവരം. ചൊവ്വാഴ്ച രാജ്യത്ത് ഇതുവരെയുണ്ടായ ഏറ്റവും ഉയര്‍ന്ന രോഗമുക്തി പ്രതിദിന നിരക്ക് രേഖപ്പെടുത്തി. കുറച്ചുദിവസങ്ങളായി മരണസംഖ്യയും പുതിയ രോഗികളുടെ എണ്ണവും കുറഞ്ഞുവരുന്നതിനിടെ രോഗമുക്തരുടെ എണ്ണം വന്‍തോതില്‍ ഉയരുകയും ചെയ്യുന്നു. കഴിഞ്ഞ 24 മണിക്കൂറിനിടെ 7,718 പേരാണ് സുഖം പ്രാപിച്ചത്. ആകെ രോഗമുക്തരുടെ എണ്ണം 1,77,560 ആയി ഉയര്‍ന്നു. പുതുതായി 40 മരണങ്ങളാണ് റിപ്പോര്‍ട്ട് ചെയ്തത്.
സൗദിയില്‍ രോഗശാന്തി; രോഗമുക്തരുടെ എണ്ണം ഏറ്റവും ഉയര്‍ന്ന നിലയില്‍
