മാഡ്രിഡ്: ചാമ്പ്യൻസ് ലീഗിൽ പ്രീക്വാർട്ടർ ഉറപ്പിച്ച് മാഞ്ചസ്റ്റർ യുണൈറ്റഡ്, ചെൽസി, ബയേൺ മ്യൂണിക്ക് ടീമുകൾ. അതേസമയം, ബെൻഫിക്കയോട് ഗോൾരഹിത സമനില വഴങ്ങിയതോടെ ബാഴ്സലോണയുടെ പ്രീക്വാർട്ടർ പ്രതീക്ഷകൾക്ക് മങ്ങലേറ്റു.
വിയ്യാറയലിനെ എതിരില്ലാത്ത രണ്ടു ഗോളുകൾക്ക് കീഴടക്കിയാണ് മാഞ്ചസ്റ്റർ യുണൈറ്റഡ് പ്രീക്വാർട്ടർ ഉറപ്പിച്ചത്. ക്രിസ്റ്റ്യാനോ റൊണാൾഡോ(78), സാഞ്ചോ(90) എന്നിവർ യുണൈറ്റഡിന് വേണ്ടി ലക്ഷ്യംകണ്ടു. ജയത്തോടെ പത്ത് പോയിന്റുമായി യുണൈറ്റഡ് മുന്നേറി.
ചെൽസി എതിരില്ലാത്ത നാല് ഗോളുകൾക്ക് യുവന്റസിനെ തകർത്തു. ചലോബ(25), ജെയിംസ്(55), ഹുഡ്സൺ(58), വെർനെർ(90+5) എന്നിവർ ചെൽസിക്കായി ഗോൾനേടി. ഈ വിജയത്തോടെ ചെൽസി 12 പോയിന്റുമായി യുവന്റസിന് ഒപ്പമെത്തി.
ഡൈനാമോ കീവിനെ തോൽപ്പിച്ചാണ് ബയേണിന്റെ മുന്നേറ്റം. ഒന്നിനെതിരെ രണ്ടു ഗോളുകൾക്കാണ് ബയേണിന്റെ ജയം.