സൗദിയില് കോവിഡ് വാക്സിന് കുത്തിവെപ്പ് കൂടുതല് തൊഴില് മേഖലകളില് നിര്ബന്ധമാക്കി.റസ്റ്റാറന്റുകള്, ഭക്ഷ്യവസ്തു വില്പന കടകള്, ബാര്ബര് േഷാപ്പുകള് എന്നീ തൊഴില് മേഖലകളിലെ തൊഴിലാളികള്ക്കാണ് ശവ്വാല് ഒന്നു മുതല് കോവിഡ് വാക്സിന് കുത്തിവെപ്പ് നിര്ബന്ധമാക്കിയത്.
ഇതുസംബന്ധിച്ച തീരുമാനം ഒരു മാസം മുമ്ബാണ് മുനിസിപ്പല്-ഗ്രാമകാര്യ മന്ത്രാലയം പുറപ്പെടുവിച്ചത്. സ്ത്രീകള്ക്കായുള്ള ബ്യൂട്ടി പാര്ലറുകളും തീരുമാനത്തിലുള്പ്പെടും. കുത്തിവെപ്പെടുക്കാത്ത തൊഴിലാളികള്ക്ക് കോവിഡ് ബാധയില്ലെന്ന് തെളിയിക്കുന്ന ഒരോ ആഴ്ചയും നടത്തിയ പി.സി.ആര് പരിശോധന സര്ട്ടിഫിക്കറ്റ് വേണമെന്നും മന്ത്രാലയത്തിന്റെ അറിയിപ്പിലുണ്ട്.