ഈ വര്ഷത്തെ ഐപിഎല് പ്ലേഓഫുകള് അഹ്മദാബാദിലെ നരേന്ദ്രമോദി സ്റ്റേഡിയത്തില് വച്ച് നടത്തിയേക്കുമെന്ന് റിപ്പോര്ട്ട്. നിലവില് ലോകത്തിലെ ഏറ്റവും വലിയ ക്രിക്കറ്റ് സ്റ്റേഡിയമായ നരേന്ദ്രമോദി സ്റ്റേഡിയത്തിലാണ് ഇംഗ്ലണ്ടിനെതിരായ ഇന്ത്യയുടെ അവസാന രണ്ട് ടെസ്റ്റ് മത്സരങ്ങള് നടക്കുന്നത്.
1,32,000 പേരെ ഉള്ക്കൊള്ളുന്ന സ്റ്റേഡിയമാണ് ഇത്. അഞ്ച് വലിയ ഡ്രസിംഗ് റൂമുകളും ഇവിടെ ഉണ്ട്. അതുകൊണ്ട് തന്നെ, പ്ലേഓഫിലെത്തുന്ന നാല് ടീമുകള്ക്കും ബയോ ബബിള് സുരക്ഷ ഒരുക്കാന് ഇത് സഹായിക്കും.