ഇന്ത്യയും ചൈനയും തമ്മിലുള്ള സംഘര്ഷം വീണ്ടും അതിന്റെ പാരമ്യത്തിലെത്തി. അരുണാചല് പ്രദേശിലെ തവാങ്ങില് ചൈനീസ് സൈനികര് നുഴഞ്ഞുകയറാന് ശ്രമിച്ചു. ഇന്ത്യന് സൈനികര് ആ ശ്രമം പരാജയപ്പെടുത്തിയെങ്കിലും നിലത്തെ സ്ഥിതി ആശങ്കാജനകമായി തന്നെ തുടരുകയാണ്. ഇപ്പോഴിതാ ഈ വിവാദത്തില് അമേരിക്ക ആദ്യ പ്രതികരണം നടത്തിയിരിക്കുന്നു. ഇരു സേനകളും പിന്വാങ്ങിയത് ആശ്വാസകരമായ കാര്യമാണെന്നാണ് അമേരിക്ക പറയുന്നത്.
ഇരുരാജ്യങ്ങളുടെയും സൈന്യം സമയബന്ധിതമായി പിരിഞ്ഞ് സ്ഥിതിഗതികള് നിയന്ത്രണവിധേയമാക്കിയതില് അമേരിക്ക സന്തോഷം പ്രകടിപ്പിച്ചു. ഇരു സൈന്യങ്ങളും തക്കസമയത്ത് പിന്വാങ്ങിയത് സന്തോഷകരമാണെന്നാണ് അമേരിക്ക പുറത്തിറക്കിയ പ്രസ്താവനയില് പറയുന്നത്. സ്ഥിതിഗതികള് ഞങ്ങള് സൂക്ഷ്മമായി നിരീക്ഷിച്ചുവരികയാണ്. ഇന്ത്യയെയും ചൈനയെയും വിഷയം ചര്ച്ച ചെയ്യാന് ഞങ്ങള് പ്രോത്സാഹിപ്പിക്കുന്നു. അതിര്ത്തിയുമായി ബന്ധപ്പെട്ട് എന്ത് തര്ക്കമുണ്ടായാലും അത് ചര്ച്ചയിലൂടെ പരിഹരിക്കപ്പെടണമെന്നാണ് അമേരിക്ക ആവശ്യപ്പെടുന്നതെന്നും പ്രസ്താവനയില് പറയുന്നു.