മുംബൈ: കേന്ദ്രസർക്കാർ വ്യവസായി മുകേഷ് അംബാനിയുടെ സുരക്ഷ വര്‍ധിപ്പിച്ചു. ഇസഡ് പ്ലസ് കാറ്റഗറി സുരക്ഷയാണ് നൽകിയിരിക്കുന്നത്. നേരത്തെ ഇസഡ് കാറ്റഗറി സുരക്ഷയാണ് ഉണ്ടായിരുന്നത്. രഹസ്യാന്വേഷണ ഏജൻസിയുടെ റിപ്പോർട്ടിന്‍റെ അടിസ്ഥാനത്തിലാണ് കേന്ദ്ര ആഭ്യന്തര മന്ത്രാലയത്തിന്‍റെ നടപടി.
കേന്ദ്രസർക്കാർ നൽകുന്ന സുരക്ഷ മുകേഷ് അംബാനിക്കും കുടുംബത്തിനും തുടരണമെന്ന് നേരത്തെ സുപ്രീം കോടതി ഉത്തരവിട്ടിരുന്നു. കേന്ദ്രത്തിന്‍റെ നിർദേശം അനുസരിച്ച് മഹാരാഷ്ട്ര സർക്കാരാണ് അംബാനിക്കും കുടുംബത്തിനും സുരക്ഷ ഒരുക്കുന്നത്. കഴിഞ്ഞ വർഷം അംബാനിയുടെ വീടിനു സമീപം ഉപേക്ഷിക്കപ്പെട്ട നിലയിൽ സ്ഫോടകവസ്തുക്കളോടു കൂടി കാർ കണ്ടെത്തിയിരുന്നു.
