കോഴിക്കോട് രാമനാട്ടുകരയില്‍ അഞ്ചുപേരുടെ മരണത്തിന് ഇടയാക്കിയ വാഹനാപകടവുമായി ബന്ധപ്പെട്ട് സ്വര്‍ണക്കടത്ത് സംഘത്തെ കുറിച്ചുള്ള അന്വേഷണം ഊര്‍ജിതമാക്കി പൊലീസ്. സ്വര്‍ണക്കവര്‍ച്ച സംഘത്തിലെ രണ്ട് പേര്‍ക്കായി അന്വേഷണം തുടരുകയാണ്. കള്ളക്കടത്ത് സ്വര്‍ണം ഏറ്റുവാങ്ങാനെത്തിയ സംഘത്തെക്കുറിച്ചും അന്വേഷണം തുടങ്ങി. അറസ്റ്റിലായ എട്ടുപേരെ ഇന്ന് കോടതിയില്‍ ഹാജരാക്കും.
പതിനഞ്ചംഗ സ്വര്‍ണക്കടത്ത് സംഘത്തിലെ രണ്ട് പേരെയാണ് ഇനി കണ്ടെത്താനുള്ളത്. ഇവരെക്കുറിച്ച് പൊലീസിന് വിവരം ലഭിച്ചിട്ടുണ്ട്. മൊയ്തീന്‍ എന്നായാളാണ് ദുബായില്‍ നിന്നും കൊടുവള്ളിയിലെ സംഘത്തിന് വേണ്ടി സ്വര്‍ണം എത്തുന്ന വിവരം കവര്‍ച്ചാ സംഘത്തിന് നല്‍കുന്നത്. ഇയാളെ കണ്ടെത്താനുള്ള ശ്രമവും ആംഭിച്ചിട്ടുണ്ട്.
