സംസ്ഥാനത്ത് ആര്‍ക്കും ഭക്ഷണമോ ചികിത്സയോ കിട്ടാതെ വരരുതെന്ന് മുഖ്യമന്ത്രി പിണറായി വിജയന്‍. ലോക്ക് ഡൗണില്‍ മരുന്നും അവശ്യവസ്തുക്കളും ആവശ്യമുള്ളവര്‍ ഏറെയുണ്ട്. യാചകര്‍ ഉണ്ടെങ്കില്‍ അവര്‍ക്ക് ഭക്ഷണം ഉറപ്പാക്കണം.

രണ്ടാം തരംഗത്തില്‍ ഉള്ളത് തീവ്രവ്യാപന സ്വഭാവമുള്ള വൈറസാണ്. വാക്‌സിന്‍ നല്‍കാന്‍ കഴിഞ്ഞത് അനുകൂല സാഹചര്യമായി. വാക്‌സിന്‍ എടുത്തതിനാല്‍ ജാഗ്രത കുറക്കാനാകില്ല. വാര്‍ഡ് സമിതി അംഗങ്ങള്‍ക്ക് വാക്‌സിന്‍ നല്‍കുമ്പോള്‍ മുന്‍ഗണന. വാക്‌സിന് എടുത്താല്‍ ജാഗ്രത കുറക്കരുതെന്നും മുഖ്യമന്ത്രി.