മഞ്ഞുവീഴ്ചയും ശീതക്കാറ്റും രൂക്ഷമായതോടെ ദുരിതത്തിലായി അമേരിക്കയിലെ തെക്കന് സംസ്ഥാനങ്ങള്. ടെക്സാസില് 33 ലക്ഷത്തോളം പേര്ക്ക് വൈദ്യുതിവിച്ഛേദിക്കപ്പെട്ടു. കുടിവെള്ള പൈപ്പുകള് തണുത്തുറഞ്ഞതോടെ 1.3കോടി പേര്ക്ക് ശുദ്ധജലം അന്യമായി. അതിശീതത്തില് മരണം 60 ആയി. ടെക്സാസ് നഗരങ്ങളായ ഹൂസ്റ്റണ്, ഓസ്റ്റില്, ഡാളസ് എന്നിവിടങ്ങളിലും സ്ഥിതി രൂക്ഷം.
താപനില മുപ്പത് വര്ഷത്തെ ഏറ്റവും കുറഞ്ഞ നിലയിലേക്ക് താഴ്ന്നതോടെ ടെക്സാസിലെ വൈദ്യുതി ഗ്രിഡുകള് പ്രവര്ത്തനരഹിതമായി. വൈദ്യുതിബന്ധം തകരാറിലായി. രണ്ടു ലക്ഷത്തോളം വീടുകളില് വൈദ്യുതി മുടങ്ങി. ടെക്സാസിനെ പ്രസിഡന്റ് ജോ ബൈഡന് ദുരന്തബാധിത മേഖലയായി പ്രഖ്യാപിച്ചേക്കും.
