തിരുവനന്തപുരം: ഹംഗേറിയന്‍ സംവിധായകന്‍ ബേല താറിന് ഐഎഫ്എഫ്കെ ലൈഫ്ടൈം അച്ചീവ്മെന്‍റ് പുരസ്‌കാരം. പത്തുലക്ഷം രൂപയും ശില്‍പ്പവുമടങ്ങുന്നതാണ് അവാര്‍ഡ്. ബേലാ താറിന്റെ ആറ് ചിത്രങ്ങള്‍ മേളയില്‍ പ്രദര്‍ശിപ്പിക്കും. അദ്ദേഹത്തിന്‍റെ ഏറ്റവും മികച്ച ചിത്രങ്ങളായ ദ ട്യൂറിന്‍ ഹോഴ്സ്, വെര്‍ക്ക്മീസ്റ്റര്‍ ഹാര്‍മണീസ് എന്നിവ ഇതില്‍ ഉള്‍പ്പെടുത്തിയിട്ടുണ്ട്.
മാനുഷിക പ്രശ്നങ്ങളെ ദാര്‍ശനികമായി സമീപിക്കുന്നതാണ് ബേല താറിന്റെ ചിത്രങ്ങൾ. ആദ്യമായി ഇന്ത്യയില്‍ എത്തുന്ന ബേലാ താറിന് ഡിസംബര്‍ 16ന് നടക്കുന്ന സമാപനച്ചടങ്ങില്‍ മുഖ്യമന്ത്രി പിണറായി വിജയന്‍ പുരസ്‌കാരം സമ്മാനിക്കും.
