ചണ്ഡിഗഢ്: മയക്കുമരുന്നുമായി ഇന്ത്യന് അതിര്ത്തികടന്ന പാക് ഡ്രോണ് സുരക്ഷാ സേനയുടെ വനിത സ്ക്വാഡ് വെടിവച്ചിട്ടു. 3 കിലോയിലധികം ലഹരിമരുന്നുമായി എത്തിയ ഡ്രോണാണ് തകര്ത്തത്.
തിങ്കളാഴ്ച രാത്രി 11ന് പഞ്ചാബിലെ അമൃത്സര് നഗരത്തില്നിന്ന് 40 കിലോമീറ്റര് അകലെയുള്ള ചഹര്പൂര് ഗ്രാമത്തില്വച്ചാണ് സുരക്ഷാസേന ഡ്രോണ് വെടിവച്ചിട്ടത്. 18 കിലോ ഭാരമുള്ള ഡ്രോണ് ഭാഗികമായി തകര്ന്ന നിലയില് കണ്ടെത്തി. പോളിത്തീന് ബാഗില് പൊതിഞ്ഞ നിലയിലാണ് ലഹരിമരുന്ന് കണ്ടെത്തിയത്.
കഴിഞ്ഞ നവംബര് 25 നും ഇന്ത്യന് അതിര്ത്തി കടന്ന പാക് ഡ്രോണ് അമൃത്സറില് വച്ച് സുരക്ഷാ സേന വെടിവച്ചിട്ടിരുന്നു.