കൊല്ലം: കല്ലടയാറില്‍ കുളിക്കാനിറങ്ങിയ രണ്ട് വിദ്യാര്‍ഥികള്‍ മുങ്ങിമരിച്ചു. കണ്ടച്ചിറ സ്വദേശി റോഷിന്‍, ഏഴാംചിറ സ്വദേശി റൂബന്‍ എന്നിവരാണ് മരിച്ചത്. രണ്ട് മണിക്കൂറിലേറെ നടത്തിയ തിരച്ചിലിനൊടുവിലാണ് മൃതദേഹങ്ങൾ കണ്ടെത്തിയത്.
ഇന്നു രാവിലെ ഒമ്പതിന് കുളത്തൂപുഴ ഭാഗത്താണ് അപകടം. ട്യൂഷന്‍ കഴിഞ്ഞ് മടങ്ങുന്നതിനിടെ സുഹൃത്തുക്കള്‍ ഒരുമിച്ച് കുളിക്കാനിറങ്ങിയപ്പോഴാണ് അപകടം ഉണ്ടായത്.
ഏഴ് പേരാണ് വെള്ളത്തില്‍ ഇറങ്ങിയത്. ഇതിനിടെ നാലു പേര്‍ ഒഴുക്കില്‍പെടുകയായിരുന്നു. രണ്ട് പേരെ കൂടെയുണ്ടായിരുന്നവര്‍ രക്ഷപെടുത്തി.
