പന്ന: രത്‌നവും വജ്രക്കല്ലുകളും വിളയുന്ന മണ്ണിനെ കുറിച്ച് നമ്മൾ കേട്ടിട്ടുണ്ട്. അത്തരം നഗരങ്ങളിൽ പ്രശസ്തമാണ് മദ്ധ്യപ്രദേശിലെ പന്ന നഗരം. ഇവിടെയിതാ വജ്രങ്ങൾ തേടിയെത്തി ആയിരക്കണക്കിന് ആളുകൾ എത്തിയിരിക്കുകയാണ്. ദിവസങ്ങളോളം ആളുകൾ പ്രദേശത്ത് ക്യാമ്പ് ചെയ്യുകയാണ്. യുപിയിലെ ഛത്തർപൂർ, സ്തന, രേവ, ബന്ദ ജില്ലകളിൽ നിന്നുള്ളവരും പന്നയിലെത്തുന്നുണ്ട്. സ്ത്രീകളും കുട്ടികളും അടക്കം ഇരുപതിനായിരത്തിലധികം ആളുകളാണ് ഇവിടേയ്ക്ക് എത്തുന്നത്. റുഞ്ജ് നദിയുടെ തീരത്ത് വജ്രങ്ങൾ തിരയുകയാണിവർ.
നദിയിൽ വജ്രങ്ങളുണ്ടോ ഇല്ലയോ എന്ന കാര്യത്തിൽ സ്ഥിരീകരണം വന്നിട്ടില്ല. പന്നയിലെ റുഞ്ജ് നദിയിൽ സർക്കാർ അണക്കെട്ട് പണിയുകയാണ്. അണക്കെട്ടിൽ നിന്ന് പുറത്തേയ്ക്ക് വന്ന മണ്ണിൽ പോലും വജ്രങ്ങൾ കണ്ടെത്തുന്നതിനായി ആയിരക്കണക്കിന് ആളുകൾ എത്തി. വിശ്രംഗഞ്ജ് താഴ്വരയ്ക്ക് കീഴിലാണ് അണക്കെട്ടിന്റെ നിർമ്മാണം നടക്കുന്നത്.
ഇവിടെ വൻ തോതിൽ മണ്ണ് ഖനനം ചെയ്തിട്ടുണ്ട്. ഇവിടെ നിന്നും വലിയ അളവിൽ വജ്രങ്ങളും കണ്ടെത്തിയിട്ടുണ്ടെന്നാണ് ആളുകൾ പറയുന്നത്. ആളുകൾ മണ്ണിൽ വജ്രം തിരയുകയാണ്. കഴിഞ്ഞ മാസം മുതൽ ആയിരക്കണക്കിന് ആളുകളാണ് നദിയുടെ അടിവാരത്ത് ക്യാമ്പ് ചെയ്യുന്നത്. മണ്ണിൽ നിന്ന് വജ്രങ്ങൾ കണ്ടെത്താനുള്ള അരിപ്പ, അരിപ്പ തുടങ്ങിയ മറ്റ് ഉപകരണങ്ങളും കൂടെ സൂക്ഷിക്കുന്നു.
റുഞ്ജ് നദിയിൽ നിന്നും 72 കാരറ്റിന്റെ വജ്രം ലഭിച്ചുവെന്ന് അഭ്യൂഹം ഉയർന്നിരുന്നു. പിന്നാലെയാണ് നദിക്കരയിൽ എത്തുന്നവരുടെ എണ്ണം കൂടിയത്. എന്നാൽ ഇതുവരെ ആർക്കും വജ്രം ലഭിച്ചതായി ഔദ്യോഗിക സ്ഥിരീകരണം ഉണ്ടായിട്ടില്ല. നദിയിൽ നിന്നും വജ്രം ലഭിച്ചുവെന്ന വാർത്ത ശ്രദ്ധയിൽപ്പെട്ടെന്നും അന്വേഷണം നടന്നു വരികയാണെന്നും അധികൃതരും അറിയിച്ചു.
