തിരുവനന്തപുരം: വെള്ളിയാഴ്ചത്തെ പരീക്ഷകൾക്ക് മാറ്റമില്ലെന്നു കേരള പിഎസ്സി അറിയിച്ചു. പോപ്പുലർ ഫ്രണ്ട് വെള്ളിയാഴ്ച ഹർത്താൽ പ്രഖ്യാപിച്ച സാഹചര്യത്തിലാണ് പിഎസ്സി പരീക്ഷയിൽ മാറ്റമില്ലെന്ന് വ്യക്തമാക്കിയത്.
രാജ്യവ്യാപകമായി പോപ്പുലർ ഫ്രണ്ട് ഓഫീസുകൾ കേന്ദ്രീകരിച്ച് ദേശീയ അന്വേഷണ ഏജൻസി (എൻഐഎ) റെയ്ഡ് നടത്തിയതിലും നേതാക്കളെ അറസ്റ്റ് ചെയ്തതിലും പ്രതിഷേധിച്ചാണ് പോപ്പുലർ ഫ്രണ്ട് ഹർത്താൽ പ്രഖ്യാപിച്ചത്. വെള്ളിയാഴ്ച രാവിലെ ആറ് മുതൽ വൈകുന്നേരം ആറ് വരെയാണ് ഹർത്താൽ.