ന്യൂഡല്ഹി: ലാവ്ലിന് കേസ് പരിഗണിക്കുന്ന ബെഞ്ചില് മാറ്റം ഇല്ല. ചൊവ്വാഴ്ചത്തെ കേസ് ലിസ്റ്റില് ലാവ്ലിന് കേസ് ഇടം പിടിച്ചു. ചീഫ് ജസ്റ്റിസ് യു.യു.ലളിത്, എസ്.രവീന്ദ്ര ഭട്ട്, ജെ.ബി.പര്ദിവാല എന്നിവരടങ്ങിയ ബെഞ്ചാണ് കേസ് പരിഗണിക്കുന്നത്.
പിണറായി വിജയന് ഉള്പ്പടെ മൂന്നു പേര് വിചാരണ നേരിടേണ്ടതില്ല എന്ന ഹൈക്കോടതി വിധി ചോദ്യം ചെയ്ത് സിബിഐ നല്കിയ ഹര്ജിയാണ് സുപ്രിം കോടതിയിലെത്തിയിട്ടുള്ളത്. നിലവിലെ പ്രതികള് നല്കിയ അപ്പീലും കക്ഷി ചേരാനുള്ള വി.എം.സുധീരന്റെ അപേക്ഷയും ഉള്പ്പെടെ ആകെ അഞ്ചു ഹര്ജികളാണ് സുപ്രിം കോടതി പരിഗണനാ പട്ടികയില് ഉള്പ്പെടുത്തിയിട്ടുള്ളത്. ചൊവ്വാഴ്ച ഉച്ച തിരിഞ്ഞ് രണ്ട് മണിക്ക് രണ്ടാമത്തെ കേസായാണ് ലാവ്ലിന് ഉള്പ്പെടുത്തിയിരിക്കുന്നത്.