ന്യൂഡല്ഹി: പ്രവാചക നിന്ദാ വിവാദത്തില് ബിജെപി നേതാവ് നൂപുര് ശര്മയെ അറസ്റ്റ് ചെയ്യണമെന്നാവശ്യപ്പെട്ട് വന് പ്രതിഷേധം. കുട്ടികള് ഉള്പ്പെടെ ആയിരക്കണക്കിനാളുകളാണ് പ്രതിഷേധത്തില് പങ്കെടുത്തത്. വെള്ളിയാഴ്ച പ്രാര്ഥനയ്ക്കു ശേഷമാണ് പ്രതിഷേധം ആരംഭിച്ചത്. പ്രതിഷേധക്കാരെ നീക്കംചെയ്തെന്നും സ്ഥിതി നിയന്ത്രണവിധേയമാണെന്നും ഡല്ഹി പോലീസ് അറിയിച്ചു.കുട്ടികള് ഉള്പ്പെടെ ആയിരക്കണക്കിനാളുകളാണ് പ്രതിഷേധത്തില് പങ്കെടുത്തത്. വെള്ളിയാഴ്ച പ്രാര്ഥനയ്ക്കു ശേഷമാണ് പ്രതിഷേധം ആരംഭിച്ചത്.
ഡല്ഹി ജുമാ മസ്ജിദിന് സമീപമായിരുന്നു പ്രതിഷേധം നടത്തിയത്. കൂടാതെ ഉത്തര്പ്രദേശ്, തെലങ്കാന, പശ്ചിമ ബംഗാള് എന്നീ സംസ്ഥാനങ്ങളില് പ്രതിഷധം ഉയര്ന്നു. അതേസമയം പ്രതിഷേധത്തിന് ആഹ്വാനം ചെയ്തിട്ടില്ലെന്ന് ഡല്ഹി മസ്ജിദ് ഇമാം അറിയിച്ചു.
പരാമര്ശം വിവാദമാവുകയും പ്രതിഷേധം കനക്കുകയും ചെയ്തതിന് പിന്നാലെ വിവാദപരാമര്ശം നടത്തിയ നൂപുര് ശര്മയേയും നവീന് കുമാര് ജിന്ഡാലിനെയും ബി.ജെ.പി. സസ്പെന്ഡ് ചെയ്തിരുന്നു. നൂപുര് ശര്മ, നവീന് കുമാര് ജിന്ഡല്, എഐഎംഐഎം തലവന് അസദുദ്ദീന് ഉവൈസി, മാധ്യമപ്രവര്ത്തക സബാ നഖ്വി, വിവാദ സന്യാസി യതി നരസിംഹാനന്ദ് തുടങ്ങി 32 പേര്ക്കെതിരെ ഡല്ഹി പൊലീസ് കേസ് രജിസ്റ്റര് ചെയ്തു.