കോവിഡ് ലക്ഷണങ്ങള് കണ്ട് രണ്ട് ദിവസത്തിന് ശേഷം പരിശോധന നടത്തുന്നതാണ് ഉചിതമെന്ന് ഡോ.ലാല് പാത്ലാബ്സ് മാനേജിങ് ഡയറക്ടര് ഡോ.അരവിന്ദ് ലാല്. പനി, മണവും രുചിയും നഷ്ടമാവുക, ശ്വസിക്കാനുള്ള പ്രയാസം തുടങ്ങിയ ലക്ഷണങ്ങള് പ്രകടമായി രണ്ട് ദിവസത്തിന് ശേഷം പരിശോധന നടത്തുകയാണ് വേണ്ടതെന്ന് അദ്ദേഹം പറഞ്ഞു.
കോവിഡ് കണ്ടെത്താന് ഏറ്റവും അനുയോജ്യമായ പരിശോധന ആര്.ടി.പി.സി.ആര് ആണ്. രാജ്യത്തെ ടെസ്റ്റ് പോസിറ്റിവിറ്റി നിരക്ക് 21 ശതമാനമാണ്. ഇത് 10 ശതമാനത്തില് താഴെയാകുന്നത് വരെ ലോക്ഡൗണ് പോലുള്ള നിയന്ത്രണങ്ങള് തുടരണമെന്നും അദ്ദേഹം ആവശ്യപ്പെട്ടു.
ലാബ് പരിശോധനയുടെ കൃത്യതയെ സ്വാധീനിക്കുന്ന ഘടകങ്ങളെ കുറിച്ചും വാര്ത്ത ഏജന്സിയായ എ.എന്.ഐക്ക് നല്കിയ അഭിമുഖത്തില് അദ്ദേഹം പരാമര്ശിച്ചു. രോഗിയെ വൈറസ് എത്രത്തോളം ബാധിച്ചു, സ്രവം കൊണ്ടു പോകുന്ന രീതി, ആര്.ടി.പി.സി.ആര് നടത്തുന്ന രീതി എന്നിവയെല്ലാം ടെസ്റ്റിെന്റ കൃത്യതയെ ബാധിക്കുമെന്ന് അദ്ദേഹം പറഞ്ഞു