തിരുവനന്തപുരം: മലബാര് കലാപത്തെ ആസ്പദമാക്കി നിര്മ്മിക്കുന്ന 1921 പുഴ മുതല് പുഴ വരെ എന്ന ചിത്രത്തിനായി വീണ്ടും ധനസഹായം അഭ്യര്ഥിച്ച് സംവിധായകന് അലി അക്ബര്. ഫേസ്ബുക്കിലൂടെയാണ് സിനിമക്കായി ധനസഹായം അഭ്യര്ഥിച്ച് അലി അക്ബര് രംഗത്തെത്തിയത്.
‘ഞങ്ങള് അവസാനവട്ട ഒരുക്കത്തിലാണ് നിങ്ങളോ?. നിങ്ങള് കൂടെയുണ്ടാകും എന്ന ധൈര്യമാണ് മുന്നോട്ട് നയിക്കുന്നത്. ഇനി പ്രവര്ത്തനത്തിന്റെ വേഗതയിലേക്ക്’ -അലി അക്ബര് ഫേസ്ബുക്കില് കുറിച്ചു. ഫേസ്ബുക്ക് കുറിപ്പിനൊപ്പം സിനിമക്കായി സംഭാവന നല്കേണ്ട അക്കൗണ്ടിന്റെ വിവരങ്ങളും പങ്കുവെച്ചിട്ടുണ്ട്.