നേരത്തെ കേന്ദ്ര സർക്കാർ നിരോധിച്ച ടിക്ടോക് ഉൾപ്പെടെ 59 ആപ്പുകളുടെ 47 ക്ലോൺ പതിപ്പുകൾ കൂടി കേന്ദ്ര സർക്കാർ നിരോധിച്ചു.ക്ലോൺ പതിപ്പുകൾ പ്ലേ സ്റ്റോറുകളിൽ ഉൾപ്പെടെ ലഭ്യമായ സാഹചര്യത്തിലാണു ഐടി മന്ത്രാലയത്തിന്റെ നടപടി.
അതേസമയം, ഇതിനു പുറമേ ചൈനീസ് ബന്ധമുള്ള മൊബൈല് ഗെയിമിംഗ് ആപ്പുകളായ പബ്ജി ഉൾപ്പെടെയുള്ളവ നിരോധിക്കാനും നീക്കം നടക്കുന്നുണ്ട്. പുതിയതായി നിരോധിക്കേണ്ട 275 ആപ്ലിക്കേഷനുകളുടെ പട്ടിക കേന്ദ്രം തയാറാക്കിയതായാണ് റിപ്പോർട്ടുകൾ.
കഴിഞ്ഞ മാസമാണ് ചൈനീസ് ബന്ധമുള്ള 59 ആപ്ലിക്കേഷനുകളെ സുരക്ഷാ വീഴ്ച ചൂണ്ടിക്കാണിച്ച് ഇന്ത്യ നിരോധിച്ചത്. ഇന്ത്യയില് ഏറെ പ്രചാരം നേടിയ ടിക് ടോക് അടക്കമുള്ള 59 ആപ്പുകളാണ് വിലക്കിന്റെ പട്ടികയിലുള്ളത്.