ഔറംഗാബാദ് : മഹാരാഷ്‌ട്ര മന്ത്രിയും ശിവസേന നേതാവുമായ അബ്ദുള്‍ സത്താറിനു കോവിഡ് സ്ഥിരീകരിച്ചു. മുംബൈയിലെ വസതിയില്‍ ക്വാറന്‍റൈനിലാണ് ഇദ്ദേഹം. തിങ്കളാഴ്ച മഹാരാഷ്‌ട്ര മന്ത്രരി അസ്‌ലം ഷേക്കിനു കോവിഡ് സ്ഥിരീകരിച്ചിരുന്നു. മുന്പ് മന്ത്രിമാരായ ജിതേന്ദ്ര അവാധ്, അശോക് ചവാന്‍, ധനഞ്ജയ് മുണ്ടെ എന്നിവര്‍ക്കു കോവിഡ് സ്ഥിരീകരിച്ചിരുന്നു.
അതേസമയം, മഹാരാഷ്ട്രയില്‍ 24 മണിക്കൂറിനിടെ കോവിഡ് ബാധിച്ചത് 10,576 പേര്‍ക്ക്. 280 പേര്‍ക്കാണ് ജീവന്‍ നഷ്ടമായത്. ഇതോടെ മഹാരാഷ്ട്രയിലെ ആകെ രോഗികള്‍ 3,37,607 ആയി. ആകെ മരണം 12,556 ആയും ഉയര്‍ന്നു. മുംബൈയില്‍ ഇന്ന് 1,310 പേര്‍ക്കാണ് കോവിഡ് സ്ഥിരീകരിച്ചത്. 58 മരണവും റിപ്പോര്‍ട്ട് ചെയ്യപ്പെട്ടിട്ടുണ്ട്.
