കോട്ടയം : ഉഴവൂര്‍ വിജയന്‍ ഫൗണ്ടേഷന്‍ മൂന്നാമതു പുരസ്കാരം സംസ്ഥാന ആരോഗ്യമന്ത്രി കെ.കെ. ഷൈലജയ്ക്ക് . പത്മഭൂഷന്‍ ജസ്റ്റീസ് കെ.ടി. തോമസ്, ഡോ. പി.ജി. രാമകൃഷ്ണപിള്ള എന്നിവര്‍ അടങ്ങിയ കമ്മിറ്റിയാണ് അവാര്‍ഡ് ജേതാവിനെ തെരഞ്ഞെടുത്തത് . ഇന്നു രാവിലെ കുറിച്ചിത്താനത്തുള്ള സ്മൃതിമണ്ഡപത്തില്‍ നടക്കുന്ന അനുസ്മരണ സമ്മേളനത്തില്‍ പുരസ്കാരം നല്‍കും .
മന്ത്രി എ.കെ. ശശീന്ദ്രന്‍, രാമചന്ദ്രന്‍ കടന്നപ്പള്ളി, മോന്‍സ് ജോസഫ് എംഎല്‍എ, വി.എന്‍. വാസവന്‍ എന്നിവര്‍ ചടങ്ങില്‍ പങ്കെടുക്കും . എന്‍സിപി സംസ്ഥാന മുന്‍പ്രസിഡന്‍റ് ഉഴവൂര്‍ വിജയന്‍റെ മൂന്നാം ചരമവാര്‍ഷികാചരണം ഇന്നു രാവിലെ 11ന് എന്‍സിപി ജില്ലാ കമ്മിറ്റി ഓഫീസില്‍ നടക്കും . സോഷ്യല്‍ മീഡിയാ വഴിയും അനുസ്മരണ ചടങ്ങുകളും അനുസ്മരണ പ്രഭാഷണങ്ങളും നടത്തുന്നുണ്ട് .
