കൊച്ചി : ഫൈസല് ഫരീദിനായി കേന്ദ്ര ആഭ്യന്തര മന്ത്രാലയം ലുക്ക് ഔട്ട് നോട്ടീസ് പുറപ്പെടുവിച്ചു . ദേശീയ അന്വേഷണ ഏജന്സി(എന്ഐഎ)യുടെ അഭ്യര്ഥനയെ തുടര്ന്നാണ് നടപടി . ഫൈസലിനെ കണ്ടെത്താന് എന്ഐഎ ഇന്റര്പോളിന്റെ സഹായവും തേടിയിട്ടുണ്ട് .
കഴിഞ്ഞ ദിവസം ഇയാളുടെ തൃശൂര് കയ്പമംഗലത്തെ വീട്ടില് കസ്റ്റംസ് പരിശോധന നടത്തി കംപ്യൂട്ടറും രേഖകളും പിടിച്ചെടുത്തിരുന്നു . ഫൈസലിനെതിരേ എന്ഐഎ കോടതി ജാമ്യമില്ലാ വാറണ്ട് പുറപ്പെടുവിച്ചിട്ടുണ്ട് . ഇന്ത്യയിലെ എല്ലാ വിമാനത്താവളങ്ങള്ക്കും തുറമുഖങ്ങള്ക്കും ലുക്ക് ഔട്ട് നോട്ടീസ് കൈമാറിയിട്ടുണ്ട് . കസ്റ്റംസും ഫൈസലിനായി ലുക്ക് ഔട്ട് നോട്ടീസ് പുറപ്പെടുവിക്കാന് കേന്ദ്രത്തെ സമീപിച്ചു .