റിയാദ്: സൗദി അറേബ്യയില് കോവിഡ് സ്ഥിതിഗതിയില് നേരിയ ശമനം. പുതിയ രോഗികളുടെ എണ്ണത്തിലും മരണനിരക്കിലും കുറവ് അനുഭവപ്പെടുന്നു. രോഗമുക്തരുടെ എണ്ണം ഉയരുകയും ചെയ്തു. വ്യാഴാഴ്ച 41 പേര് മരിച്ചു. 2100 ആയി ആകെ മരണസംഖ്യ. ജിദ്ദ (4), റിയാദ് (12), മക്ക (9), മദീന (4), ഹുഫൂഫ് (1), ത്വാഇഫ് (3), ഖമീസ് മുശൈത് (1), ബുറൈദ (2), തബൂക്ക് (1), അഹദ് റുഫൈദ (1), ജീസാന് (1),സകാക (1) എന്നിവിടങ്ങളിലാണ് പുതിയതായി മരണം സംഭവിച്ചത്….
3046 പേർ പുതുതായി സുഖം പ്രാപിച്ചു. ആകെ രോഗമുക്തരുടെ എണ്ണം 1,58,050 ആയി. കഴിഞ്ഞ 24 മണിക്കൂറിനിടെ 3183 പേരിലാണ് രോഗം പുതുതായി സ്ഥിരീകരിച്ചത്. 2,23,327 ആയി ആകെ രോഗബാധിതരുടെ എണ്ണം. 60,131 പേരാണ് രാജ്യത്തെ വിവിധ ആശുപത്രികളിൽ ചികിത്സയിലുള്ളത്. ഇതിൽ 2225 പേരുടെ നില ഗുരുതരമാണ്. ഒരു ദിവസത്തിനിടെ 53,153 കോവിഡ് പരിശോധനകൾ നടന്നു. രാജ്യത്താകെ ഇതുവരെ 21,24,976 സ്രവസാമ്പിളുകൾ പരിശോധിച്ചു. ജിദ്ദയിൽ മരണ സംഖ്യ 552 ഉം റിയാദിൽ 546 ഉം മക്കയിൽ 464 ഉം ആണ്. രാജ്യത്തെ ചെറുതും വലുതുമായ 199 പട്ടണങ്ങളാണ് രോഗത്തിെൻറ പിടിയിലായത്.