Author: George Kakkanatt

യുക്രൈനിൽ വർഷങ്ങളായി തുടരുന്ന യുദ്ധം റഷ്യൻ സൈന്യത്തിന്റെ അടിത്തറ ഇളക്കുന്നതായി പുതിയ റിപ്പോർട്ടുകൾ. 2026 ഏപ്രിലിലെ കണക്കുകൾ പ്രകാരം, റഷ്യൻ സൈന്യത്തിലേക്കുള്ള കരാർ സൈനികരുടെ റിക്രൂട്ട്‌മെന്റ് നിരക്കിൽ 20 ശതമാനത്തോളം കുറവുണ്ടായതായി അന്താരാഷ്ട്ര നിരീക്ഷകർ ചൂണ്ടിക്കാട്ടുന്നു. കഴിഞ്ഞ വർഷം പ്രതിദിനം ആയിരത്തിലധികം ആളുകൾ സൈന്യത്തിൽ ചേർന്നിരുന്ന സ്ഥാനത്ത്, നിലവിൽ ഇത് എണ്ണൂറിൽ താഴെയായി ചുരുങ്ങി. യുദ്ധക്കളത്തിലെ വൻ ആൾനാശവും നീണ്ടുപോകുന്ന പോരാട്ടവും റഷ്യൻ യുവാക്കളെ സൈന്യത്തിൽ ചേരുന്നതിൽ നിന്ന് പിന്നോട്ട് വലിക്കുന്നു. സൈനികരുടെ കുറവ് നികത്താൻ സർവ്വകലാശാലാ വിദ്യാർത്ഥികളെ ഉൾപ്പെടെ നിർബന്ധിതമായി സൈന്യത്തിൽ ചേർക്കാൻ ക്രെംലിൻ സമ്മർദ്ദം ചെലുത്തുന്നതായി വിവരമുണ്ട്. ഓരോ സർവ്വകലാശാലയും ചുരുങ്ങിയത് രണ്ട് ശതമാനം വിദ്യാർത്ഥികളെയെങ്കിലും സൈനിക സേവനത്തിന് വിട്ടുനൽകണമെന്നാണ് പുതിയ നിർദ്ദേശം. സൈന്യത്തിൽ ചേരുന്നവർക്ക് നൽകുന്ന പ്രതിഫലം 1.5 ദശലക്ഷം റൂബിൾ ആയി വർദ്ധിപ്പിച്ചിട്ടും റിക്രൂട്ട്‌മെന്റിൽ പുരോഗതിയില്ലാത്തത് പുടിൻ ഭരണകൂടത്തെ ആശങ്കയിലാഴ്ത്തുന്നു. നിലവിലെ റിക്രൂട്ട്‌മെന്റ് നിരക്ക് വെച്ച് നോക്കിയാൽ യുദ്ധത്തിലെ നാശനഷ്ടങ്ങൾ നികത്താൻ മാത്രമേ റഷ്യക്ക് സാധിക്കൂ. അമേരിക്കൻ പ്രസിഡന്റ് ഡൊണാൾഡ് ട്രംപിന്റെ പുതിയ ഭരണത്തിന് കീഴിൽ ഉക്രൈന് ലഭിക്കുന്ന ആയുധ പിന്തുണ റഷ്യക്ക് വലിയ വെല്ലുവിളിയാണ് ഉയർത്തുന്നത്. അത്യാധുനിക മിസൈലുകളും ഡ്രോണുകളും ഉപയോഗിച്ച് യുക്രൈൻ നടത്തുന്ന തിരിച്ചടികളിൽ റഷ്യയുടെ പകുതിയോളം വിമാനങ്ങളും ടാങ്കുകളും തകർക്കപ്പെട്ടതായി റിപ്പോർട്ടുകൾ പറയുന്നു. യുദ്ധം ജയിക്കാൻ വൻതോതിലുള്ള സൈനിക വിന്യാസം ആവശ്യമാണെന്നിരിക്കെ, റിക്രൂട്ട്‌മെന്റിലെ ഇടിവ് റഷ്യയുടെ ആത്മവിശ്വാസം തകർക്കുന്നു. യുദ്ധം നീണ്ടുപോകുന്നത് റഷ്യയുടെ സാമ്പത്തിക ഭദ്രതയെയും ബാധിച്ചു തുടങ്ങി. റഷ്യയുടെ ആയുധ നിർമ്മാണ ശാലകൾക്കും നിലവിൽ പ്രതിസന്ധികൾ നേരിടേണ്ടി വരുന്നുണ്ട്. ഉപരോധങ്ങൾ മൂലം വിദേശ ഭാഗങ്ങൾ ലഭിക്കാത്തത് അത്യാധുനിക യുദ്ധവിമാനങ്ങളുടെയും മിസൈലുകളുടെയും നിർമ്മാണത്തെ മന്ദഗതിയിലാക്കി. സൈനിക ആവശ്യങ്ങൾക്കായി ബജറ്റിന്റെ വലിയൊരു ഭാഗം ചെലവഴിക്കുന്നത് രാജ്യത്തെ ആരോഗ്യ-വിദ്യാഭ്യാസ മേഖലകളെ തകർക്കുന്നതായി ആഭ്യന്തര വിമർശനങ്ങൾ ഉയരുന്നുണ്ട്. സ്വന്തം നാട്ടിലെ പ്രശ്നങ്ങൾ പരിഹരിക്കാൻ കഴിയാതെ യുദ്ധം തുടരുന്നത് പുടിന്റെ ജനപ്രീതി കുറയുന്നതിനും കാരണമായി. സൈനിക ശക്തിയുടെ കാര്യത്തിൽ ലോകത്ത് മുന്നിട്ടു നിന്നിരുന്ന റഷ്യ ഇപ്പോൾ വടക്കൻ കൊറിയയെയും ഇറാനെയും പോലുള്ള രാജ്യങ്ങളിൽ നിന്ന് ആയുധങ്ങൾ തേടേണ്ട അവസ്ഥയിലാണ്. യുക്രൈനിലെ ഓരോ കിലോമീറ്റർ മുന്നേറ്റത്തിനും റഷ്യ വലിയ വില നൽകേണ്ടി വരുന്നു. സൈനിക പരിശീലനം ലഭിക്കാത്തവരെ യുദ്ധഭൂമിയിലേക്ക് അയക്കുന്നത് മരണസംഖ്യ വർദ്ധിക്കാൻ ഇടയാക്കി. സമാധാന ചർച്ചകൾക്ക് റഷ്യ താല്പര്യം പ്രകടിപ്പിക്കുന്നുണ്ടെങ്കിലും ഉക്രൈന്റെ നിബന്ധനകൾ അംഗീകരിക്കാൻ പുടിൻ തയ്യാറാകാത്തത് പ്രതിസന്ധി തുടരാൻ കാരണമാകുന്നു. റഷ്യൻ ജനതയ്ക്കിടയിൽ യുദ്ധവിരുദ്ധ വികാരം ശക്തമാകുന്നത് വരും ദിവസങ്ങളിൽ സർക്കാരിന് വലിയ തലവേദനയാകും. സൈന്യത്തിലേക്ക് ആളുകളെ കിട്ടാതായതോടെ വിദേശികളെ പണം നൽകി സൈന്യത്തിൽ ചേർക്കാനുള്ള നീക്കങ്ങളും റഷ്യ നടത്തുന്നുണ്ട്. യുദ്ധക്കളത്തിലെ തിരിച്ചടികൾക്കൊപ്പം ആഭ്യന്തരമായുള്ള ഈ സൈനിക ക്ഷാമം റഷ്യയെ ഒരു വലിയ തോൽവിയിലേക്ക് നയിക്കുമോ എന്നാണ് ലോകം ഉറ്റുനോക്കുന്നത്. വരാനിരിക്കുന്ന മാസങ്ങൾ റഷ്യൻ സൈന്യത്തെ സംബന്ധിച്ചിടത്തോളം...

യുണൈറ്റഡ് അറബ് എമിറേറ്റ്സിന്റെ ഐക്യവും സമാധാനവും തകർക്കാൻ ലക്ഷ്യമിട്ട് പ്രവർത്തിച്ചിരുന്ന ഇറാന്റെ ഭീകര സംഘടനയെ സ്റ്റേറ്റ് സെക്യൂരിറ്റി ഏജൻസി പിടികൂടിയതായും രാജ്യത്തിന്റെ അതിർത്തിക്കുള്ളിൽ വ്യവസ്ഥാപിതമായ അട്ടിമറി പ്രവർത്തനങ്ങൾ നടത്താൻ ഈ സംഘം പദ്ധതിയിട്ടിരുന്നതായും അധികൃതർ അറിയിച്ചു. സ്റ്റേറ്റ് സെക്യൂരിറ്റി ഏജൻസി തങ്ങളുടെ ഔദ്യോഗിക സോഷ്യൽ മീഡിയ പേജിലൂടെയാണ് ഈ വിവരം പുറത്തുവിട്ടത്. സംഘത്തിന്റെ ഭീകര പദ്ധതികളെക്കുറിച്ച് മുൻകൂട്ടി വിവരം ലഭിച്ചതിനെത്തുടർന്ന് നടത്തിയ രഹസ്യ ഓപ്പറേഷനിലൂടെയാണ് പ്രതികളെ വലയിലാക്കിയത്. രാജ്യത്തെ യുവാക്കളെ റിക്രൂട്ട് ചെയ്ത് അവരെ ഭീകര പ്രവർത്തനങ്ങളിലേക്കും അക്രമങ്ങളിലേക്കും വഴിതിരിച്ചുവിടാനാണ് ഈ ഭീകര സംഘടന ശ്രമിച്ചിരുന്നത്. യുവാക്കൾക്കിടയിൽ തീവ്രവാദ ആശയങ്ങൾ പ്രചരിപ്പിച്ച് യുഎഇയുടെ ആഭ്യന്തര സുരക്ഷ അപകടത്തിലാക്കുകയായിരുന്നു ഇവരുടെ ലക്ഷ്യം. പിടികൂടിയവരിൽ എത്രപേർ സ്വദേശികളാണെന്നോ അല്ലെങ്കിൽ മറ്റ് വിദേശികളാണെന്നോ ഉള്ള വിവരങ്ങൾ പുറത്തുവിട്ടിട്ടില്ല. പിടിയിലായ സംഘാംഗങ്ങളെ വിശദമായി ചോദ്യം ചെയ്തുവരികയാണ്. ഭീകര സംഘടന യുഎഇയിൽ അനധികൃതമായി ഫണ്ട് ശേഖരണം നടത്തിയതായും അന്വേഷണത്തിൽ വ്യക്തമായി. രാജ്യത്തിനകത്തുനിന്ന് ശേഖരിക്കുന്ന പണം ഗൂഢമായ മാർഗ്ഗങ്ങളിലൂടെ വിദേശത്തേക്ക് കടത്തുകയായിരുന്നു ഇവരുടെ പതിവ്. ഈ പണം ആഗോളതലത്തിലുള്ള മറ്റ് ഭീകര പ്രവർത്തനങ്ങൾക്കായി ഉപയോഗിച്ചിട്ടുണ്ടാകാമെന്നാണ് സുരക്ഷാ ഏജൻസികൾ സംശയിക്കുന്നത്. ഇത്തരം സാമ്പത്തിക ഇടപാടുകളെക്കുറിച്ചുള്ള രേഖകളും സുരക്ഷാ ഉദ്യോഗസ്ഥർ പിടിച്ചെടുത്തിട്ടുണ്ട്. സാമ്പത്തിക ക്രമക്കേടുകൾക്കും ഭീകരവാദ ഫണ്ടിംഗിനുമെതിരെ കടുത്ത നിയമനടപടികൾ സ്വീകരിക്കുന്ന രാജ്യമാണ് യുഎഇ. പശ്ചിമേഷ്യയിൽ അമേരിക്കയും ഇറാനും തമ്മിലുള്ള സംഘർഷം പാരമ്യത്തിലെത്തിയ സാഹചര്യത്തിൽ യുഎഇയിൽ സുരക്ഷാ നിരീക്ഷണം അതീവ കർശനമാണ്. ഇറാന്റെ ചരക്കുകപ്പൽ അമേരിക്ക പിടിച്ചെടുത്തതും ഹോർമുസ് കടലിടുക്കിലെ സ്തംഭനാവസ്ഥയും നിലനിൽക്കുന്നതിനിടെയാണ് യുഎഇയിൽ ഇറാൻ ബന്ധമുള്ള ഭീകര സംഘം പിടിയിലാകുന്നത്. രാജ്യത്തിന്റെ സമാധാന അന്തരീക്ഷം തകർക്കാനുള്ള ഏത് ശ്രമത്തെയും അതിശക്തമായി നേരിടുമെന്ന് യുഎഇ ഭരണകൂടം വ്യക്തമാക്കി. നിയമലംഘകർക്കെതിരെ മുഖം നോക്കാതെ നടപടി സ്വീകരിക്കുമെന്നും അധികൃതർ മുന്നറിയിപ്പ്...