തിരുവനന്തപുരം: എഴുത്തുകാരനും തിരക്കഥാകൃത്തും നടനും സംവിധായകനുമായ ബി ഹരികുമാര് അന്തരിച്ചു. ഏറെ നാളായി ചികിത്സയിലായിരുന്നു. 14 നോവലുകളും നൂറിലേറെ കഥകളും എഴുതിയിട്ടുണ്ട്. സംസ്കാരം നാളെ രാവിലെ പത്ത് മണിക്ക് തിരുവനന്തപുരം ശാന്തി കവാടത്തില് നടക്കും. ഇ വി കൃഷ്ണപിള്ളയുടെ കൊച്ചുമകനും അടൂര് ഭാസിയുടെ അനന്തരവനുമാണ് ഹരികുമാര്. അടൂര്ഭാസി ഫലിതങ്ങള്, ചിരിയുടെ തമ്പുരാന് എന്നീ പുസ്തകങ്ങള് അടൂര് ഭാസിയെക്കുറിച്ച് എഴുതിയിട്ടുണ്ട്.
താവളം , പകല് വിളക്ക് , മാരീചം , ചക്രവര്ത്തിനി , ഡയാന , കറുത്ത സൂര്യന് , ഗന്ധര്വ്വന് പാറ, കണ്മണി , അപരാജിത , വാടാമല്ലിക , കാമിനി , ഭൂരിപക്ഷം , അപഹാരം , രഥം (നോവലുകള് ) അഗ്നിമീളേ പുരോഹിതം (കഥാ സമാഹാരം ) എന്നിവയാണ് പ്രധാന കൃതികള് . നിരവധി ടെലിവിഷന് സീരിയലുകള്ക്കും ടെലിഫിലിമുകള്ക്കും കഥയും തിരക്കഥയും രചിച്ചിട്ടുണ്ട്. സന്യാസിനി എന്ന ചലച്ചിത്രത്തിനും തിരക്കഥയെഴുതി. ബാങ്ക് ഓഫീസറായും പ്രവര്ത്തിച്ചിട്ടുണ്ട്. കെവി ശ്രീരേഖയാണ് ഭാര്യ, മകന് – ഹേമന്ത്.