സിഡ്നി: അടുത്ത വര്ഷത്തെ ആഷസിന് ശേഷം ടെസ്റ്റ് ക്രിക്കറ്റില് നിന്നും വിരമിക്കാനൊരുങ്ങി ഓസ്ട്രേലിയന് താരം ഡേവിഡ് വാര്ണര്.
എന്നാല് വെസ്റ്റ് ഇൻഡീസ്, യുഎസ്എ എന്നിവിടങ്ങളില് 2024 നടക്കുന്ന ടി-20 ലോകകപ്പില് കളിക്കുമെന്നും അദ്ദേഹം. അടുത്ത വര്ഷം ഇന്ത്യയിലായി നടക്കുന്ന 50 ഓവര് ലോകകപ്പിലും താന് പങ്കെടുക്കാന് ആഗ്രഹിക്കുന്നതായി അദ്ദേഹം വ്യക്തമാക്കി.
എന്നാല് ഈ ടി-20 ലോകകപ്പില് നിന്ന് ഓസ്ട്രേലിയയുടെ ഞെട്ടിക്കുന്ന പുറത്താകലിന് ശേഷം വാര്ണറടക്കമുള്ള നിരവധി മുതിര്ന്ന ടീമംഗങ്ങളുടെ കരിയര് തുലാസിലാണ്.