കൊച്ചി: ഇടപ്പള്ളി ദേശീയപാതയിൽ ഒബ്റോണ് മാളിനു സമീപം കാർ ഡിവൈഡറിൽ ഇടിച്ച് പൂർണമായും കത്തിനശിച്ചു. അപകടത്തിൽ ആർക്കും പരിക്കില്ല.
പുലർച്ചെ 5.10 ഓടെയായിരുന്നു അപകടം. കാറിൽ നാലുപേർ ഉണ്ടായിരുന്നു. ബോണറ്റിൽനിന്ന് പുക ഉയരുന്നത് കണ്ട് യാത്രക്കാർ കാറിൽനിന്ന് ഇറങ്ങി ഓടിയതിനാൽ വൻ ദുരന്തം ഒഴിവായി.
അഗ്നിശമനസേനയെത്തിയാണ് തീയണച്ചത്. റോഡിലെ ഡിവൈഡറിൽ ഇടിക്കാതിരിക്കാനായി തിരിച്ചപ്പോൾ കാറിന്റെ നിയന്ത്രണം നഷ്ടമാകുകയായിരുന്നുവെന്ന് പോലീസ് പറഞ്ഞു. ഹിന്ദുജ ഗ്രൂപ്പിന്റെ ഉടമസ്ഥതയിലുള്ള കാറാണ് അപകടത്തിൽപ്പെട്ടത്.