തിരുവനന്തപുരം: കാര്യവട്ടം സ്പോർട്ട്സ് ഹബ്ബിൽ നടക്കുന്ന ഇന്ത്യ – ദക്ഷിണാഫ്രിക്ക ടി20 ക്രിക്കറ്റ് മത്സരത്തിന്‍റെ 13,336 ടിക്കറ്റുകൾ ഒറ്റദിനംകൊണ്ട് വിറ്റഴിച്ചു. തിങ്കളാഴ്ച്ച രാത്രിയാണ് ടിക്കറ്റ് വില്പന ആരംഭിച്ചത്.
www.paytminsider.com വഴിയാണ് ടിക്കറ്റ് വിൽപ്പന ആരംഭിച്ചത്. സംസ്ഥാനത്തെ അക്ഷയ കേന്ദ്രങ്ങൾ വഴിയും ടിക്കറ്റ് എടുക്കാം. ടിക്കറ്റുമായി ബന്ധപ്പെട്ടുള്ള സംശയങ്ങൾക്ക് help@insider.in എന്ന മെയിൽ ഐഡിയിൽ ബന്ധപ്പെടാം.
1500 രൂപയാണ് അപ്പർ ടയർ ടിക്കറ്റ് നിരക്ക്. വിദ്യാർഥികൾക്ക് 50 ശതമാനം ഇളവ് നൽകും. വിദ്യാർഥികൾക്കുള്ള ഇളവ് ലഭിക്കുന്നതിനായി അതാത് വിദ്യാഭ്യാസ സ്ഥാപനങ്ങൾ വഴി ടിക്കറ്റ് ബുക്ക് ചെയ്യണം. വിദ്യാഭ്യാസ സ്ഥാപനങ്ങൾ ആവശ്യമുള്ള കണ്‍സഷൻ ടിക്കറ്റുകൾ കേരള ക്രിക്കറ്റ് അസോസിയേഷനുമായി ബന്ധപ്പെട്ട് നേരത്തെ ബുക്ക് ചെയ്യണം. പവിലിയന് 2750 രൂപയും കെസിഎ ഗ്രാൻഡ് സ്റ്റാൻഡിന് ഭക്ഷണമടക്കം 6000 രൂപയുമാണ് നിരക്ക്.
