പ്ലേ ഓഫ് ഉറപ്പിക്കാൻ ഐപിഎല്ലിൽ ഇന്ന് രാജസ്ഥാൻ റോയൽസും ഡൽഹി ക്യാപ്പിറ്റൽസും പോരാട്ടത്തിനിറങ്ങുന്നു. ഇന്നത്തെ മത്സരത്തിൽ സഞ്ജുവിന്റെ പോരാട്ടം ഋഷഭ് പന്തിനെതിരെയാണ്. കഴിഞ്ഞ മത്സരത്തിൽ നോബോൾ വിളിച്ചില്ലെന്ന പേരിൽ നടന്ന വിവാദങ്ങളിൽ രാജസ്ഥാനാണ് ജയിച്ചത്.
ഡൽഹിയുടെ കരുത്ത് ഓപ്പണറായി സീസണിൽ തകർത്തുന്ന ഡേവിഡ് വാർണറാണ്. നാലു ബൗണ്ടിറികൾ കൂടി നേടിയാൽ ടീമിനായി 200 ബൗണ്ടറികൾ നേടുന്ന താരമായി മാറും. ഡൽഹിയുടെ സ്പിൻ കരുത്ത് അക്ഷർ പട്ടേലും നേട്ടത്തിനരികിലാണ്. ഒരു വിക്കറ്റുകൂടി നേടിയാൽ 100 വിക്കറ്റ് ക്ലബ്ബിലെത്തും.
സീസണിൽ ആദ്യം ഏറ്റുമുട്ടിയ മത്സരത്തിൽ രാജസ്ഥാൻ ഡൽഹിയെ 15 റൺസിനാണ് തോൽപ്പിച്ചത്. ഡൽഹിയും രാജസ്ഥാനും ആകെ 25 മത്സരങ്ങളിലാണ് ഏറ്റുമുട്ടിയത്. ഇതിൽ 13ൽ രാജസ്ഥാനും 12ൽ ഡൽഹിയുമാണ് ജയിച്ചത്.