ഷാർജയിൽ ലുലുവിന്റെ 18-ാമത്തെ ഹൈപ്പർ മാർക്കറ്റ് തുറന്നു; ഫുഡ് സെക്ഷനിൽ റോബോട്ടുകളും

യുഎഇയിലെ ഏറ്റവും വലിയ ലുലു ഹൈപ്പർ മാർക്കറ്റുകളിലൊന്നാണ് ഷാർജ ബുതീനയിൽ പ്രവർത്തനം ആരംഭിച്ചത്. ഗ്രോസറി, ഇലക്ട്രോണിക്‌സ്, ഫാഷൻ, സ്‌പോർട്‌സ്, സ്റ്റേഷനറി ഉൾപ്പെടെയുള്ള ഉല്പന്നങ്ങളുടെ വിപുലമായ ശേഖരം ഇവിടെ ഒരുക്കിയിട്ടുണ്ട്. ഓർഗാനിക്, ഷുഗർ ഫ്രീ, കേരള വിഭവങ്ങൾക്കായുള്ള തനിനാടൻ ഫുഡ് കൗണ്ടർ എന്നിവ ഹൈപ്പർ മാർക്കറ്റിന്റെ പ്രത്യേകതകളാണ്. നിർമ്മിത ബുദ്ധിയിൽ പ്രവർത്തിക്കുന്ന റോബോട്ടുകളാണ് ഹൈപ്പർ മാർക്കറ്റിന്റെ മറ്റൊരു സവിശേഷത. ഹൈപ്പർ മാർക്കറ്റിലെ ഹോട്ട് ഫുഡ് സെക്ഷനിലാണ് റോബോട്ടുകൾ പ്രവർത്തിക്കുന്നത്. 25 ലക്ഷം ദിർഹത്തിന്റെ സമ്മാനങ്ങൾ ഉൾപ്പെടെ ആകർഷകങ്ങളായ ഓഫറുകളും ഈദ് പ്രമാണിച്ച് ഉപഭോക്താക്കൾക്കായി ഒരുക്കിയിട്ടുണ്ട്.