ദുൽഖർ സൽമാൻ നായകനായ തമിഴ് ചിത്രം കണ്ണും കണ്ണും കൊള്ളൈയടിത്താൽ തീയേറ്ററുകളിലെത്തിയിട്ട് ഒരു വർഷം പൂർത്തിയായിരിക്കുകയാണ്. ഈ സുന്ദരവേളയിൽ ദുൽഖർ സൽമാൻ തൻ്റെ സിനിമയുമായി ബന്ധപ്പെട്ട വിശേഷം കുറിച്ചിരിക്കുകയാണ്. ദേസിംഗ് പെരിയസാമി സംവിധാനം ചെയ്ത ചിത്രത്തിൽ ദുൽഖർ സൽമാനൊപ്പം ഋതു വര്‍മയാണ് നായികാ കഥാപാത്രമായി എത്തിയിരുന്നത്. ദുല്ഖറിന്റെ അഞ്ചാമത്തെ തമിഴ് ചിത്രമായിരുന്നു കണ്ണും കണ്ണും കൊള്ളൈയടിത്താൽ. വിഘ്‌നേശ് ശിവനായിരുന്നു ചിത്രത്തിലെ ഗാനങ്ങൾക്ക് വരികളൊരുക്കിയിരിക്കുന്നത്.
മസാല കോഫിയാണ് ചിത്രത്തിലെ ഗാനത്തിന് സംഗീതം ഒരുക്കിയിരിക്കുന്നത്. കണ്ണും കണ്ണും കൊള്ളൈയടിത്താല്‍ മസാല കോഫിയുടെ രണ്ടാമത്തെ തമിഴ് ചിത്രമായിരുന്നുവെന്ന പ്രത്യേകതയുമുണ്ടായിരുന്നു. താൻ വർക്ക് ചെയ്ത സിനിമകളിൽ ഏറെ ആസ്വദിച്ച് ചെയ്ത ചിത്രമാണ് കണ്ണും കണ്ണും കൊള്ളൈയടിത്താൽ എന്ന് ദുൽഖർ സൽമാൻ ഫേസ്ബുക്കിൽ കുറിച്ചു. ഇന്ന് കെകെകെ (കണ്ണും കണ്ണും കൊള്ളൈയടിത്താൽ)യുടെ റിലീസിൻ്റെ ഒരു വർഷമാണെന്നും ദുൽഖർ കുറിച്ചു.
