ദുബായ്: യുഎഇയില് നിന്നും മറ്റ് ഗള്‍ഫ് രാജ്യങ്ങളില്‍ നിന്ന ഇന്ത്യയിലേക്കെത്തുന്നവര്‍ക്ക് പുതിയ നിബന്ധനകള്‍. ഫെബ്രുവരി 22 മുതല്‍ വിദേശരാജ്യത്ത് നിന്ന് ഇന്ത്യയിലേക്ക് വരുന്നവര്‍ കൊവിഡ് പിസിആര്‍ നെഗറ്റീവ് സര്‍ട്ടിഫിക്കറ്റ് നിര്‍ബന്ധമായും ഹാജരാക്കണമെന്ന് ഇന്ത്യന്‍ വ്യോമയാന- ആരോഗ്യ, കുടുംബക്ഷേമ വകുപ്പുകളാണ് അറിയിച്ചിട്ടുള്ളത്. യൂറോപ്പ്, പശ്ചിമേഷ്യന്‍ രാജ്യങ്ങള്‍ എന്നിവിടങ്ങളില്‍ നിന്ന് നേരിട്ടോ യുഎഇ വഴിയോ ഇന്ത്യയിലേക്ക് വരുന്ന എല്ലാവര്‍ക്കും ഈ ചട്ടം ബാധകമാണ്. കുട്ടികള്‍ ഉള്‍പ്പെടെ എല്ലാ പ്രായത്തിലുമുള്ള യാത്രക്കാര്‍ക്കും ഇത് ബാധകമായിരിക്കും. ഇതിന് പുറമേ സത്യവാങ്മൂലവും ഹാജരാക്കുകയും ചെയ്തിട്ടുണ്ട്. മാര്‍ഗ്ഗനിര്‍ദ്ദേശങ്ങള്‍ അനുസരിച്ച്‌ ചട്ടങ്ങള്‍ പാലിക്കാതെ എത്തുന്നവരെ വിമാനത്താവളങ്ങളില്‍ തടയുമെന്നുമെന്നും അധികൃതര്‍ വ്യക്തമാക്കിയിട്ടുണ്ട്.
72 മണിക്കൂറിനുള്ളില്‍ എടുത്ത പിസിആര്‍ പരിശോധനാ ഫലമാണ് യാത്രക്കാര്‍ ഹാജരാക്കേണ്ടതുണ്ട്. ഇന്ത്യയിലെത്തിയാല്‍ വിമാനത്താവളങ്ങളില്‍ വെച്ച്‌ മറ്റൊരു കൊവിഡ് പരിശോധനയ്ക്ക് വിധേയരാകണം. ഇത് യാത്രക്കാരുടെ സ്വന്തം ചെലവിലാണ് നടത്തേണ്ടത്. തുടര്‍ന്ന് 14 ദിവസം ക്വാറന്റൈനില്‍ കഴിയുന്നവരുടെ ആരോഗ്യസ്ഥിതി അധികൃതര്‍ നിരീക്ഷണ വിധേയമാക്കാതിരിക്കുക.
ഫെബ്രുവരി 17 നാണ് ഇന്ത്യയുടെ ആരോഗ്യ കുടുംബക്ഷേമ മന്ത്രാലയം മറ്റ് രാജ്യങ്ങളില്‍ നിന്ന് എത്തുന്നവര്‍ക്ക് വിശദമായ മാര്‍ഗ്ഗനിര്‍ദ്ദേശങ്ങള്‍ പുറപ്പെടുവിക്കുന്നത്. അതില്‍ ബ്രിട്ടന്‍, യൂറോപ്പ്, പശ്ചിമേഷ്യന്‍ രാജ്യങ്ങള്‍ എന്നിവിടങ്ങളില്‍ നിന്നുള്ളവര്‍ക്കുള്ള നടപടിക്രമങ്ങളും മറ്റ് എല്ലാ വരവുകള്‍ക്കുമുള്ള പൊതു മാര്‍ഗ്ഗനിര്‍ദ്ദേശങ്ങളും ഉള്‍പ്പെടുന്നു. ഈ പുതുക്കിയ മാര്‍ഗ്ഗനിര്‍ദ്ദേശങ്ങള്‍ ഫെബ്രുവരി 23 മുതല്‍ പ്രാബല്യത്തില്‍ വരും. യുഎഇയില് നിന്ന് യാത്ര ചെയ്യുന്നവര്‍ നിര്‍ബന്ധമായും പാലിക്കേണ്ടത്.
എയര്‍ സുവിധയില്‍ സത്യവാങ്മൂലം പൂരിപ്പിക്കുക. www.newdelhiairport.in എന്ന പോര്‍ട്ടലില്‍ ഈ ഫോം ലഭ്യമാണ്. കൂടാതെ ഷെഡ്യൂള്‍ ചെയ്ത യാത്രയ്ക്ക് മുമ്ബായിസമര്‍പ്പിക്കണം. ഓണ്‍ലൈനായാണ് സത്യവാങ്മൂലം സമര്‍പ്പിക്കേണ്ടത്. കഴിഞ്ഞ 14 ദിവസത്തിനുള്ളില്‍ നടത്തിയ യാത്രകള്‍ യാത്രക്കാര്‍ വ്യക്തമാക്കേണ്ടതുണ്ട്. എസ്ഡിഎഫ് പൂരിപ്പിക്കുമ്ബോള്‍, എസ്ഡിഎഫില്‍ ആവശ്യമായ മറ്റെല്ലാ വിവരങ്ങളും നല്‍കുന്നതിന് പുറമെ, യാത്രക്കാര്‍ തിരഞ്ഞെടുക്കുകയും ചെയ്യേണ്ടത്. എത്തിച്ചേരുന്ന വിമാനത്താവളത്തില്‍ ഇറങ്ങാന്‍ അവര്‍ പദ്ധതിയിടുന്നവര്‍ ഇതിനുള്ള തയ്യാറെടുപ്പുകളും നടത്തേണ്ടതുണ്ട്.
എയര്‍ സുവിധ ഫോം പൂരിപ്പിച്ച യാത്രക്കാരെ മാത്രമേ വിമാനത്തില്‍ കയറ്റാവൂ എന്നാണ് അധികൃതര്‍ നിര്‍ദേശിച്ചിട്ടുണ്ട്. എന്നാല്‍ കൊവിഡ് പിസിആര്‍ പരിശോധനയുടെ നെഗറ്റീവ് ഫലം ഇല്ലാതെ എത്തുന്നവരെ തുടര്‍യാത്ര അനുവദിക്കണമെങ്കില്‍ അവര്‍ കുടുംബത്തിലെ അംഗം മരിച്ചതുകൊണ്ട് പോകുന്നവരായിരിക്കണം. എന്നാല്‍ യാത്രയ്ക്ക് 72 മണിക്കൂര്‍ മുമ്ബ് എയര്‍ സുവിധ പോര്‍ട്ടല്‍ വഴി അപേക്ഷിക്കേണ്ടതുണ്ട്. പ്രകടമായ ആരോഗ്യപ്രശ്നങ്ങളില്ലാത്ത യാത്രക്കാരെ തെര്‍മല്‍ സ്കാനിംഗിന് ശേഷം മാത്രമേ യാത്ര അനുവദിക്കുകയുള്ളൂ. എന്നാല്‍ എല്ലാവരും ആരോഗ്യസേതു ആപ്പ് ഡൌണ്‍ലോഡ് ചെയ്യേണ്ടതുണ്ട്. യുകെ, യൂറോപ്പ്, ദക്ഷിണാഫ്രിക്ക എന്നീ രാജ്യങ്ങളില്‍ നിന്ന് എത്തുന്നവര്‍ക്ക് വ്യത്യസ്ത മാനദണ്ഡങ്ങളാണുള്ളത്.
