ലോകത്ത് കോവിഡ് ബാധിതരുടെ എണ്ണം 8.60 കോടി കടന്നു . നിലവില്‍ 86,047,683 പേര്‍ക്ക് രോഗം ബാധിച്ചെന്നാണ് ഔദ്യോഗിക കണക്ക്. 1,859,377 പേര്‍ കോവിഡ് ബാധിച്ച്‌ മരണത്തിന് കീഴടങ്ങിയപ്പോള്‍ 60,972,723 പേര്‍ രോഗമുക്തി നേടുകയും ചെയ്തു.കഴിഞ്ഞ 24 മണിക്കൂറിനിടെ 492,695 പേര്‍ക്കാണ് ആഗോളവ്യാപകമായി രോഗം ബാധിച്ചത്. ഇതേസമയത്ത് 8,592 പേര്‍ മരണമടയുകയും ചെയ്തു. 23,215,583 പേരാണ് ഇനി രോഗം ബാധിച്ച്‌ ചികിത്സയിലുള്ളത്.
ഇന്ത്യയില്‍ കൊവിഡ് ബാധിതരുടെ എണ്ണം 1,03,57,569 ആയി ഉയര്‍ന്നു. നിലവില്‍ 2,28,088 പേരാണ് ചികിത്സയിലുള്ളത്. രോഗമുക്തി നേടിയവരുടെ എണ്ണം തൊണ്ണൂറ്റിയൊമ്ബത് ലക്ഷം പിന്നിട്ടു. 1,49,886 പേര്‍ മരിച്ചു. രാജ്യത്ത് ജനിതകമാറ്റം വന്ന കൊവിഡ് ബാധിതരുടെ എണ്ണം 38 ആയി ഉയര്‍ന്നു. പുതുതായി 9 പേര്‍ക്ക് കൂടി രോഗബാധ സ്ഥിരീകരിച്ചു.
അമേരിക്കയില്‍ രണ്ട് കോടി പതിമൂന്ന് ലക്ഷം പേര്‍ക്കാണ് കൊവിഡ് സ്ഥിരീകരിച്ചത്. 3.61 ലക്ഷം പേര്‍ മരിച്ചു. ഒരു കോടി ഇരുപത്തിയാറ് ലക്ഷം പേര്‍ സുഖം പ്രാപിച്ചു. ബ്രസീലില്‍ കൊവിഡ് ബാധിതരുടെ എണ്ണം എഴുപത്തിയേഴ് ലക്ഷം പിന്നിട്ടു. 1,96,591 പേര്‍ മരണമടഞ്ഞു. അറുപത്തിയെട്ട് ലക്ഷം പേര്‍ രോഗമുക്തി നേടി.
