ഒമാനില്‍ ഞായറാഴ്ച കോവിഡ് സ്ഥിരീകരിച്ചത് 1147 പേര്‍ക്ക്. ഇതോടെ മൊത്തം രോഗബാധിതര്‍ 76005 ആയി. 3187 പരിശോധനകളാണ് നടത്തിയത്. പുതിയ രോഗികളില്‍ 1053 പേര്‍ സ്വദേശികളും 94 പേര്‍ പ്രവാസികളുമാണ്. 1238 പേര്‍ക്ക് കൂടി രോഗം ഭേദമായി. ഇതോടെ രോഗമുക്തരുടെ എണ്ണം 55299 ആയി. കഴിഞ്ഞ 24 മണിക്കൂറിനുള്ളില്‍ 13 പേരാണ് മരണപ്പെട്ടത്. ഇതോടെ മരണ സംഖ്യ 384 ആയി. 53 പേരെ കൂടി ആശുപത്രിയില്‍ പ്രവേശിപ്പിച്ചു.
545 പേരാണ് നിലവില്‍ ആശുപത്രികളില്‍ ചികിത്സയിലുള്ളത്. ഇതില്‍ 167 പേര്‍ തീവ്ര പരിചരണ വിഭാഗത്തിലാണുള്ളത്. 20322 പേരാണ് നിലവില്‍ അസുഖബാധിതരായിട്ടുള്ളത്. വടക്കന്‍ ബാത്തിന ഗവര്‍ണറേറ്റിലാണ് പുതിയ രോഗികള്‍ കൂടുതല്‍.489 പേര്‍ക്കാണ് ഇവിടെ വൈറസ് ബാധ സ്ഥിരീകരിച്ചത്. രണ്ടാമതുള്ള മസ്കത്തില്‍ 267 പുതിയ രോഗികളുണ്ട്.
