മുംബൈ: വോട്ടര്‍മാരെ വില കുറച്ചു കാണരുതെന്നും ഇന്ദിര ഗാന്ധിയേയും അടല്‍ ബിഹാരി വാജ്പേയിയേയും പോലെ ശക്തരായ നേതാക്കള്‍ പോലും തെരഞ്ഞെടുപ്പില്‍ പരാജയപ്പെട്ടിട്ടുണ്ടെന്നും എന്‍.സി.പി നേതാവ് ശരത് പവാര്‍. ശിവസേന മുഖപത്രമായ സാമ്നക്ക് നല്‍കിയ അഭിമുഖത്തിലാണ് ശരത് പവാര്‍ ഇക്കാര്യം പറഞ്ഞത്. മുന്‍ മഹാരാഷ്ട്ര മുഖ്യമന്ത്രി ദേവേന്ദ്ര ഫട്നാവിസ് തെരഞ്ഞെടുപ്പ് കാലത്ത് നടത്തിയ ‘ഞാന്‍ തിരിച്ചു വരും’ എന്ന അവകാശ വാദത്തെ പവാര്‍ നിശിതമായി വിമര്‍ശിച്ചു. ഈ അവകാശവാദത്തെ അഹങ്കാരമായാണ് വോട്ടര്‍മാര്‍ കണക്കാക്കിയത്. ഒരു പാഠം പഠിപ്പിക്കണമെന്ന് കരുതിയിട്ടുണ്ടാകുമെന്നും അേദ്ദഹം പറഞ്ഞു. ജനാധിപത്യത്തിൽ എല്ലാ കാലവും നിങ്ങൾ തന്നെ അധികാരത്തിലിരിക്കുമെന്ന് ചിന്തിക്കാൻ കഴിയില്ല. തങ്ങളെ വില കുറച്ചു കാണുന്നത് വോട്ടർമാർ സഹിക്കില്ല. അതിശക്തരും വലിയ അടിത്തറയുമുള്ള ഇന്ദിര ഗാന്ധിയേയും അടൽ ബിഹാരി വാജ്പേയിയേയും പോലുള്ള നേതാക്കളും പരാജയപ്പെട്ടിട്ടുണ്ട്. …
