തിരുവനന്തപുരം : മുന്‍ ഐടി സെക്രട്ടറി എം. ശിവശങ്കറിന്‍റെ ഫ്ളാറ്റിലേക്ക് യുവമോര്‍ച്ചയുടെ പ്രതിഷേധം . പ്രവര്‍ത്തകര്‍ ഫ്ളാറ്റിന്‍റെ ചില്ലുകള്‍ അടിച്ചു തകര്‍ക്കുകയും കരി ഓയില്‍ ഒഴിക്കുകയും ചെയ്തു .
ശിവശങ്കറിന്‍റെ സെക്രട്ടേറിയറ്റിനു സമീപത്തെ ഫ്ളാറ്റിലേക്കാണ് യുവമോര്‍ച്ച പ്രവര്‍ത്തകര്‍ പ്രതിഷേധം നടത്തിയത് . സ്വര്‍ണക്കടത്ത് കേസിലെ പ്രതി സരിത്തുമായി ശിവശങ്കര്‍ ഈ ഫ്ളാറ്റില്‍ വച്ച്‌ ചര്‍ച്ച ന‌ടത്തിയിരുന്നുവെന്നാണ് സൂചന.
ഇതിന്‍റെ അടിസ്ഥാനത്തില്‍ വെള്ളിയാഴ്ച കസ്റ്റംസ് ഇവിടെ പരിശോധനയ്ക്ക് എത്തിയിരുന്നു. ഇതേ തുടര്‍ന്നാണ് യുവമോര്‍ച്ച പ്രവര്‍ത്തകരും പ്രതിഷേധവുമായി എത്തിയത് .
