ജോര്ജിയ: അമേരിക്കയിലെ ജോര്ജിയയിലുള്ള ഫോര്ട്ട് വാലി സ്റ്റേറ്റ് യൂണിവേഴ്സിറ്റി ക്യാംപസിലുണ്ടായ വെടിവയ്പ്പില് ഒരാള് കൊല്ലപ്പെടുകയും, ഏഴ് പേര്ക്ക് പരിക്കേല്ക്കുകയും ചെയ്തു. എന്നാല് കൊല്ലപ്പെട്ടയാള് ഫോര്ട്ട് വാലി സ്റ്റേറ്റ് യൂണിവേഴ്സിറ്റിയിലെ വിദ്യാര്ഥി അല്ലെന്നാണ് പോലീസ് അറിയിച്ചത്. പരിക്കേറ്റവരെ ഉടന് ആശുപത്രിയില് പ്രവേശിപ്പിച്ചതിനാല്, ഇവരുടെ ആരോഗ്യനില തൃപ്തികരമാണ്. നിലവില് വെടിവയ്പ്പിനെ തുടര്ന്ന് സുരക്ഷാകാരണങ്ങളാല് ക്യാംപസ് അടച്ചിട്ടിരിക്കുകയാണ്.