ന്യൂഡല്ഹി : അതിര്ത്തി കടന്നുള്ള ആക്രമണം അംഗീകരിക്കാനാവില്ലെന്ന് കേന്ദ്രആഭ്യന്തര മന്ത്രി അമിത് ഷാ. ഭീകരവാദം വെച്ചുപൊറുപ്പിക്കില്ലെന്നും ഇന്ത്യയ്ക്ക് ഇനിയും മിന്നലാക്രമണം നടത്താനറിയാമെന്നും അമിത് ഷാ മുന്നറിയിപ്പ് നല്കി.
ജമ്മു കശ്മീരിലെ പൂഞ്ചില് സുരക്ഷസേനയും ഭീകരരും തമ്മില് കഴിഞ്ഞ ദിവസം നടന്ന ഏറ്റുമുട്ടലില് മലയാളി സൈനികന് അടക്കം അഞ്ച് പേരാണ് വീരമൃത്യു വരിച്ചത്. കൊട്ടാരാക്കര ഓടനാവട്ടം സ്വദേശി എച്ച് വൈശാഖ് ആണ് വീരമൃത്യു വരിച്ച മലയാളി സൈനികന്. തീവ്രവാദികളോട് അനുഭാവമുള്ള 700 പേരെ കശ്മീരില് തടവിലാക്കി. ജവാന്മാരുടെ ത്യാഗത്തിന് രാജ്യം എന്നും സ്മരിക്കുന്നതായി സൈന്യം അറിയിച്ചു.