ഡാലസ് ∙ ഡാലസ് ഫോർട്ട് വർത്ത് മെട്രോപ്ലെക്സിലെ കോൺഗ്രസ് പ്രവർത്തകരുടെയും അനുഭാവികളുടെയും യോഗം മാർച്ച് 20 ശനിയാഴ്ച ഉച്ചക്ക് മൂന്നു മണിയ്ക്ക് ഗാർലാൻഡ് കിയ ഓഡിറ്റോറിയത്തിൽ വെച്ചു ചേരുന്നു. കേരളത്തിൽ ആസനമായിരിക്കുന്ന നിയമസഭാ തിരഞ്ഞെടുപ്പിൽ കോൺഗ്രസ് പ്രവർത്തകർക്കു ക്രിയാത്മകമായി സാമ്പത്തിക സഹായം ഉൾപ്പെടെ എന്ത് പങ്കു വഹിക്കാം എന്ന വിഷയത്തെ കുറിച്ച് ചർച്ച ചെയ്ത് തീരുമാനിക്കുന്നതിനാണു യോഗം.
കിയാ ഓഡിറ്റോറിയത്തിൽ മാർച്ച് ഏഴിന് ഞായറാഴ്ച വൈകിട്ട് നാലിന് ചേർന്ന പ്രധാന കോൺഗ്രസ് പ്രവർത്തകരുടെ ആലോചന യോഗമാണ് എല്ലവരെയും ഉൾപ്പെടുത്തി വിപുലമായ മീറ്റിംഗ് വിളിച്ചു കൂട്ടാൻ തീരുമാനിച്ചത്. യോഗത്തിൽ ബോബൻ കൊടുവത്തു, പി.പി. ചെറിയാൻ, രാജൻ മാത്യു, പ്രദീപ് നാഗനൂലിൽ, റോയ്‌ കൊടുവത്, ജോയ്‌ ആന്റണി എന്നിവർ പ്രസംഗിച്ചു.
റിപ്പോർട്ട്: ജീമോൻ റാന്നി
