വാഷിങ്ടണ്: യു.എസില് കോവിഡിനെ തുടര്ന്ന് ഏര്പ്പെടുത്തിയ യാത്രനിയന്ത്രണങ്ങളില് ബൈഡന് ഭരണകൂടം ഇളവ് അനുവദിച്ചേക്കില്ലെന്ന് സൂചന. യു.കെ, അയര്ലന്ഡ് തുടങ്ങിയ 26 യുറോപ്യന് രാജ്യങ്ങളില് നിന്നുള്ളവര്ക്കാണ് യാത്ര നിരോധനം. ഈ പട്ടികയിലേക്ക് ദക്ഷിണാഫ്രിക്കയെ കൂടി ബൈഡന് കൂട്ടിച്ചേര്ത്തേക്കും. ജനിതക മാറ്റം സംഭവിച്ച കൊറോണ വൈറസില് യു.എസില് പടരുന്നത് തടയാനാണ് ബൈഡന്റെ നീക്കം. നേരത്തെ യാത്ര നിയന്ത്രണങ്ങളില് ഇളവ് അനുവദിക്കുമെന്ന് ഡോണള്ഡ് ട്രംപ് വ്യക്തമാക്കിയിരുന്നു.
ബൈഡന് അധികാരമേല്ക്കുന്നതിന് രണ്ട് ദിവസം മുമ്ബാണ് യാത്ര നിയന്ത്രണങ്ങള് പിന്വലിക്കുമെന്ന സൂചന ട്രംപ് നല്കിയത്. കോവിഡ് നെഗറ്റീവ് സര്ട്ടിഫിക്കറ്റുള്ളവര്ക്ക് രാജ്യത്ത് പ്രവേശിക്കാന് അനുമതി നല്കുമെന്നായിരുന്നു ട്രംപ് വ്യക്തമാക്കിയിരുന്നത്.
വൈറ്റ് ഹൗസ് പ്രസ് സെക്രട്ടറി ജെന് പാസ്കി ഇത് യാത്ര നിയന്ത്രണങ്ങള് പിന്വലിക്കാനുള്ള സമയമല്ലെന്ന് പ്രതികരിച്ചു. പൊതു ആരോഗ്യം ശക്തിപ്പെടുത്തേണ്ട സമയമാണിത്. ഈയൊരു ഘട്ടത്തില് യാത്ര നിയന്ത്രണങ്ങള് പിന്വലിക്കാനാവില്ലെന്ന് അദ്ദേഹം പറഞ്ഞു.