ന്യൂഡല്‍ഹി: ടി.ആര്‍.പി റേറ്റിങ് തട്ടിപ്പുമായി ബന്ധപ്പെട്ട കേസില്‍ റിപ്പബ്ലിക് ചാനല്‍ മാനേജിങ് ഡയറക്ടര്‍ അര്‍ണബ് ഗോസ്വാമിയോട് ബോംബെ ഹൈകോടതിയെ സമീപിക്കാന്‍ സുപ്രീംകോടതി ആവശ്യപ്പെട്ടു.
സി.ബി.ഐ അന്വേഷണം ആവശ്യപ്പെട്ട് റിപ്പബ്ലിക് ടി.വി സുപ്രീംകോടതിയില്‍ സമര്‍പ്പിച്ച ഹരജിയില്‍ വാദം കേള്‍ക്കാന്‍ ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ച് വിസമ്മതിച്ചു.
റിപ്പബ്ലിക് ടി.വിയുടെ ഓഫിസ് വര്‍ളിയിലാണ് സ്ഥിതിചെയ്യുന്നതെന്നും അതുകൊണ്ട് ബോംബെ ഹൈകോടതിയെ സമീപിക്കുന്നതാണ് നല്ലതെന്നും സുപ്രീംകോടതി ചൂണ്ടിക്കാട്ടി.
