വിദേശ രാജ്യങ്ങളില് നിന്ന് സൗദിയിലേക്ക് വരുന്നവര് ആരോഗ്യ മന്ത്രാലയത്തിന്റെ ഏഴ് നിബന്ധനകള് പാലിക്കണണമെന്ന് ദേശീയ വിമാന കമ്ബനിയായ സൗദി എയര്ലൈന്സ്. 25 രാജ്യങ്ങളില്നിന്നുള്ള യാത്രക്കാര്ക്കുള്ള നിബന്ധനകളാണ് പ്രഖ്യാപിച്ചത്. എന്നാലിതില് ഇന്ത്യയില്ല.
യാത്രക്കാര് ആരോഗ്യ നിബന്ധനകള് പാലിക്കുമെന്ന പ്രതിജ്ഞ ഫോറം പൂരിപ്പിച്ച് ഒപ്പിട്ട് നല്കണം. വിമാനത്താവളത്തിലെ ആരോഗ്യ നിരീക്ഷണ കേന്ദ്രത്തിലാണ് ഏല്പിക്കേണ്ടത്. ഏഴ് ദിവസത്തെ ഹോം ക്വാറന്റീന് നിര്ബന്ധം. ആരോഗ്യ ജീവനക്കാര്ക്ക് ക്വാറന്റീന് മൂന്ന് ദിവസമായിരിക്കും. ക്വാറന്റീന് കാലാവധി അവസാനിക്കുേമ്ബാള് കോവിഡ് പരിശോധനക്ക് വിധേയമാകുകയും ഫലം നെഗറ്റീവാവുകയും വേണം.
യാത്രക്കാരുടെ മൊബൈല് ഫോണുകളില് തത്മന്, തവക്കല് ആപ്ലിക്കേഷനുകള് ഇന്സ്റ്റാള് ചെയ്തിരിക്കണം. രാജ്യത്തേക്ക് പ്രവേശിച്ചാല് എട്ട് മണിക്കൂറിനുള്ളില് ‘തത് മന്’ ആപ് വഴി വീട് സ്ഥിതി ചെയ്യുന്ന സ്ഥലം നിര്ണയിക്കണം. കോവിഡ് ലക്ഷണം വല്ലതും അനുഭവപ്പെടുന്നവര് ഉടനെ 937 നമ്ബറില് ബന്ധപ്പെടുകയോ അടിയന്തിര കേസുകളില് അടുത്ത ആരോഗ്യ കേന്ദ്രത്തിലേക്ക് പോകുകയോ വേണം. യാത്രക്കാര് ‘തത്മന്’ ലോഗിന് ചെയ്തു ദൈനംദിന ആരോഗ്യകാര്യങ്ങള് വിലയിരുത്തണം. പ്രതിജ്ഞ ഫോമിനോടൊപ്പം ചേര്ത്തിരിക്കുന്ന ആരോഗ്യ മുന്കരുതല് നിര്ദേശങ്ങള് മുഴുവന് വായിച്ച് മനസിലാക്കി അത് പാലിക്കാന് തയ്യാറാകണമെന്നും അധികൃതര് വ്യക്തമാക്കി.