വാഷിംഗ്ടണ്‍ ഡിസി: ഇന്ത്യയുടെ മൂന്ന് അയല്‍രാജ്യങ്ങള്‍ ഉള്‍പ്പെടെ 12 രാജ്യങ്ങളില്‍ ചൈന സൈനിക സൗകര്യം ഒരുക്കാന്‍ ശ്രമിക്കുന്നതായി പെന്‍റഗണ്‍.
ഇന്ത്യയുടെ അയല്‍ക്കാരായ പാകിസ്താന്‍, ശ്രീലങ്ക, മ്യാ·ര്‍ എന്നിവര്‍ക്കൊപ്പം തായ്ലന്‍ഡ്, സിംഗപ്പൂര്‍, ഇന്തോനേഷ്യ, യുഎഇ, കെനിയ,താന്‍സനിയ, അങ്കോള, തജകിസ്ഥൈന്‍ എന്നീ രാജ്യങ്ങളിലാണ് സൈനിക താവളത്തിനായി ചൈന ശ്രമിക്കുന്നതെന്ന് കോണ്‍ഗ്രസില്‍ സമര്‍പ്പിച്ച റിപ്പോര്‍ട്ടില്‍ വ്യക്തമാക്കുന്നു.
ലോകമെങ്ങും സൈനിക സന്നാഹമൊരുക്കി അമേരിക്കന്‍ സൈന്യത്തോട് കിടപിടിക്കുകയാണ് ലക്ഷ്യം. അടുത്ത 20 വര്‍ഷത്തിനുള്ളില്‍ ആണവായുധങ്ങളുടെ ശേഖരം ഇരട്ടിയാക്കാനും ലക്ഷ്യമുണ്ട്. നിലവില്‍ 200ല്‍ താഴെ ആണവായുധങ്ങളാണ് ചൈനക്കുള്ളത്. ചൈനയുടെ ആണവായുധങ്ങളുടെ വിവരങ്ങള്‍ ആദ്യമായാണ് പെന്‍റഗണ്‍ പുറത്തുവിടുന്നത്.
