മുംബൈ: കോവിഡ് ബാധിതരായി ചികിത്സയില് കഴിഞ്ഞിരുന്ന ബോളിവുഡ് നടി ഐശ്വര്യ റായിക്കും മകള് ആരാധ്യയ്ക്കും രോഗമുക്തി. ഇരുവരും മുംബൈ നാനാവതി ആശുപത്രി വിട്ടു. ടെസ്റ്റുകള് നെഗറ്റീവായതിനെ തുടര്ന്നാണ് ഇരുവരെയും ഡിസ്ചാര്ജ് ചെയ്തത്. അഭിഷേക് ബച്ചനാണു ട്വിറ്ററിലൂടെ ഇക്കാര്യം അറിയിച്ചത്. ഐശ്വര്യയും ആരാധ്യയും വീട്ടിലാണെന്നും പ്രാര്ഥനകള്ക്കും ആശംസകള്ക്കും നന്ദിയെന്നും അഭിഷേക് ബച്ചന് ട്വീറ്റ് ചെയ്തു.
കുടുംബത്തില് അമിതാഭ് ബച്ചനാണ് ആദ്യം രോഗം സ്ഥിരീകരിച്ചത്. പിന്നീട് അഭിഷേകിനും ഐശ്വര്യയ്ക്കും ആരാധ്യയ്ക്കും രോഗം സ്ഥിരീകരിച്ചു. കോവിഡ് സ്ഥിരീകരിച്ച ശേഷം ഹോം ക്വാറന്ൈറനിലായിരുന്നു ഐശ്വര്യയും ആരാധ്യയും. ജൂലൈ പതിനെട്ടിനാണ് ഇരുവരെയും നാനാവതി ആശുപത്രിയില് പ്രവേശിപ്പിച്ചത്. ബച്ചന് കുടുംബവുമായി അടുത്തിടപഴകിയവരെയും കോവിഡ് പരിശോധനയ്ക്ക് വിധേയരാക്കിയിരുന്നെങ്കിലും ജയബച്ചന് അടക്കമുള്ള ആളുകള് രോഗബാധിതരല്ലെന്നായിരുന്നു മെഡിക്കല് റിപ്പോര്ട്ട്.