തൂത്തുക്കുടി : തൂത്തുക്കുടി സാത്താന്കുളം ഇരട്ട കസ്റ്റഡി കൊലപാതക കേസന്വേഷിക്കുന്ന സി.ബി.െഎ സംഘത്തിലെ രണ്ടു പേര്ക്ക് കോവിഡ് സ്ഥിരീകരിച്ചു.
അന്വേഷണ സംഘത്തിലെ എസ്ഐക്കും കോണ്സ്റ്റബിളിനുമാണ് കോവിഡ് സ്ഥിരീകരിച്ചത്. ഇവരെ ആശുപത്രിയില് പ്രവേശിപ്പിച്ചു. ഇതോടെ അന്വേഷണ സംഘത്തിലെ മറ്റ് ആളുകളെയും കോവിഡ് പരിശോധനയ്ക്ക് വിധേയമാക്കും. സിബിഐ സംഘം സാത്താന്കുളത്ത് നിരവധി സാക്ഷികളില്നിന്ന് നേരിട്ട് തെളിവെടുത്തിരുന്നു.
പ്രതികളായ പോലീസുകാരെയും ചോദ്യം ചെയ്തു. ഇത്തരത്തില് ആളുകളുമായുള്ള സമ്ബര്ക്കത്തിലൂടെയാവാം ഉദ്യോഗസ്ഥര്ക്ക് കോവിഡ് ബാധിച്ചതെന്നാണ് കരുതുന്നത്. ഇതോടെ അന്വേഷണ നടപടികള് താളംതെറ്റി.പ്രത്യേക സാഹചര്യത്തില്, പ്രതികളായ മൂന്ന് പൊലീസുകാരെ കസ്റ്റഡി കാലാവധി പൂര്ത്തിയാവുന്നതിനുമുേമ്ബ കോടതിയില് ഹാജരാക്കി.